Էկոտուրիզմի փառատոն Գոմք և Մարտիրոս համայնքներում

10414533_718445581546223_5124836760481722252_n                                      Հայաստանի Վայոց ձորի Գոմք և Մարտիրոս համայնքներում հունիսի 4-ին և 5-ին կանցկացվի էկոտուրիզմի առաջին փառատոնը:Նախաձեռնողներն են   «Ջերմուկի զարգացման կենտրոն»  և  «Երիտասարդ կենսաբանների ասոցիացիա» ՀԿ   հասարակական կազմակերպությունները :

Էկոզբոսաշրջության փառատոնի նպատակն է նպաստել էկոզբոսաշրջության զարգացմանը Վայոց Ձորի մարզի Գոմք և Մարտիրոս համայնքներում, ինչպես նաև բարձրացնել էկոզբոսաշրջության վերաբերյալ հանրային իրազեկվածության մակարդակը:

10320355_718446084879506_3354991491508222438_n (more…)

«Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով վերապատրաստման դասընթաց

KT LogoԿենաց տուր (Kenats Tour) զբոսաշրջային ընկերությունը և Էսոլարմ վերապատրաստման և թեստավորման կենտրոնն (Esolarm) իրականացնում են «Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով վերապատրաստման դասընթաց:

Ժամանակակից տնտեսության սրընթաց զարգացումը պահանջում է կայուն կառավարում: Զբոսաշրջությունը, լինելով տնտեսության գերակա ճյուղերից մեկը, նույնպես ենթադրում է ոլորտի կայուն կառավարում: Այս խնդիրն առավել արդիական է հատկապես զարգացող երկրներում՝ ինչպիսին է Հայաստանի Հանրապետությունը: Ոլորտի կայուն և երկարաժամկետ զարգացմանը մեծապես նպաստում են զբոսաշրջության այնպիսի տեսակները, ինչպիսիք են ագրո և էկո զբոսաշրջությունը: Հայաստանում տարեցտարի ավելի է մեծանում այս ուղղությունների պահանջարկը, և զբոսաշրջային կազմակերպությունների կողմից նման փաթեթների ճիշտ կազմակերպումը կնպաստի Հայաստանում զբոսաշրջության ոլորտի կայուն զարգացմանը:

Թրեյնինգը կօգնի զբոսաշրջության ոլորտի կայացած մասնագետներին, ինչպես նաև նրանց, ովքեր իրենց առաջին քայլերն են կատարում զբոսաշրջության արդյունաբերության ոլորտում, ձեռք բերել տեսական և գործնական գիտելիքներ զբոսաշրջության կայուն կառավարման, ինչպես նաև էկո և ագրո զբոսաշրջության կազմակերպման յուրահատկությունների վերաբերյալ:

Մասնակիցները կյուրացնեն զբոսարշրջության կայուն զարգացման  առանձնահատկությունները, կծանոթանան հյուրանոցի կայուն կառավարման յուրահատկություններին, համաշխարհային զբոսաշրջության արդի ուղղություններին, որոնք ապահովում են կայուն զարգացում և հեռանկարային են Հայաստանի Հանրապետության համար, ինչպես նաև ագրո է էկո  զբոսաշրջության, ագրոտուրիստական և էկոտուրիստական ձեռնարկությունների ու փաթեթների կազմակերպման յուրահատկություններին: Մասնակիցները կսովորեն նաև, թե ինչպես մշակել էկո և ագրո ծրագրեր Հայաստանի Հանրապետությունում՝ հիմնվելով համաշխարհային փորձի վրա, ինչպես վերլուծել Հայաստանի Հանրապետության զբոսաշրջային շուկան և բացահայտել դրա յուրահատկությունները:

Թրեյնինգի ընթացքում կկազմակերպվի նաև այցելություն ագրոտուրիստական ձեռնարկություն, որտեղ մասնակիցների կողմից կիրականացվի մշտադիտարկում:

Թրեյնինգը կվարեն Գերմանիայում վերապատրաստում անցած Երևանի Վ. Բրյուսովի անվ. պետական լեզվահասարակագիտական համալսարանի զբոսաշրջության բաժնի դասախոսներ Հերմինե Առաքելյանը և Աննա Մինասյանը:

 Թրեյնինգը ներառում է՝
– Տեսական դասընթացներ,
– Գործնական աշխատանքներ,
– SWOT վերլուծություն,
– Իրավիճակների վերլուծություն,
– Նյութերի տրամադրում,
– Էքսկուրսիոն այցելություն՝ մշտադիտարկում կատարելու նպատակով,
– Մշտադիտարկման արդյունքների վերլուծություն և գնահատում:

Վայրը՝ Էսոլարմ վերապատրաստման և թեստավորման կենտրոն, Բաղրամյան 67/1:

Հաճախականությունը՝ 5 օր, շաբաթական երկու անգամ ՝ 2 ժամ տևողությամբ, փետրվարի 27-ից մարտի 12-ը՝ շաբաթ և կիրակի օրերին:

Թրեյնինգի ավարտին կտրվեն սերտիֆիկատներ:

Գրանցվելու և մանրամասների համար զանգահարել՝
060 509 709, 091 96 20 20

«Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով սեմինար

KT LogoՓետրվարի 7-ին` ժամը 13:00-ին, Էսոլարմ վերապատրաստման և թեստավորման կենտրոնում /Բաղրամյան 67/1/ տեղի կունենա սեմինար «Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով: Սեմինարն անցկացվում է Կենաց տուր (Kenats Tour) զբոսաշրջային ընկերության և Էսոլարմ (Esolarm) վերապատրաստման և թեստավորման կենտրոնի կողմից:

Զբոսաշրջությունը, լինելով տնտեսության գերակա ճյուղերից մեկը, ենթադրում է կայուն կառավարում: Այս խնդիրն առավել արդիական է հատկապես զարգացող երկրներում՝ ինչպիսին է Հայաստանի Հանրապետությունը: Ոլորտի կայուն զարգացմանը մեծապես նպաստում են զբոսաշրջության այնպիսի տեսակները, ինչպիսիք են ագրո և էկո զբոսաշրջությունը: Մեր երկրում տարեցտարի ավելի է մեծանում այս ուղղությունների պահանջարկը, և զբոսաշրջային կազմակերպությունների կողմից նման փաթեթների ճիշտ կազմակերպումը կնպաստի Հայաստանում զբոսաշրջության ոլորտի կայուն զարգացմանը: Սեմինարի ընթացքում մասնակիցներին կներկայացվի կայուն կառավարման նշանակությունը զբոսաշրջության ոլորտում, ինչպես նաև` էկո և ագրո զբոսաշրջության զարգացման հեռանկարները և կազմակերպման առանձնահատկությունները: Սեմինարը կվարեն Գերմանիայում վերապատրաստում անցած Երևանի Վ. Բրյուսովի անվ. պետական լեզվահասարակագիտական համալսարանի զբոսաշրջության բաժնի դասախոսներ Հերմինե Առաքելյանը և Աննա Մինասյանը:

Մուտքն ազատ է: Մասնակցությունը խնդրում ենք հաստատել՝ զանգահարելով 060 509 709, 091 96 20 20