Փակենք ծորակները, եթե ջուր պետք չէ

1Ինչպես ողջ մարդկությունը, այնպես էլ Գեղարքունիքի միջնակարգ դպրոցում գործող «Աժդահակ» էկոակումբը մարտի 22-ին նշեց Ջրի համաշխարհային օրը: Օր, որի նպատակն է մարդկանց մեկ անգամ ևս իրազեկել այդ կենարար հեղուկի կարևորության և ջրային ռեսուրսների ճիշտ կառավարման մասին: Աշխարհում մոտ մեկ միլիարդ մարդ չունի խմելու ջրից օգտվելու հնարավորություն, իսկ 2.5 միլ. մարդ՝ դրա համար անհրաժեշտ սանիտարական պայմանները : Քաղցրահամ ջուրը Երկրի ցամաքի բոլոր կենդանի համակարգերի գոյության կարևոր բաղադրիչն է և անհրաժեշտ պայմանը: Ջրի ցանկացած հատկություն եզակի է և հազվադեպ: Նշվեց, որ քաղցրահամ ջրի  պաշարները ամբողջ աշխարհում սահմանափակ են, մաքուր ջրի սակավությունից տուժում են շատ երկրներ: Կարևորվեց նաև անտառների դերը Երկիր մոլորակի քաղցրահամ ջրի պաշարների ձևավորման և պահպանման հարցում, իսկ անտառների վիճակը Հայաստանում՝ ըստ մասնագետների աղետալի է , հետևաբար կարևոր խնդիր է նաև դրանց ճիշտ կառավարումը: Երեխաները հպարտորեն նշեցին, որ Հայաստանի բնակիչները խմում են մաքուր և համեղ ջուր, քանի, որ դրա 90%-ից ավելին ստորգետնյա աղբյուրների ջրերն են:   Սակայն նրանք մտահոգ էին ջրային ավազաններ ներթափանցող տարբեր բնույթի աղտոտիչների անթույլատրելի քանակի և կեղտաջրերի համար, որոնց պատճառով որոշ ջրայի և ցամաքային էկոհամակարգեր ոչնչացվել են, իսկ որոշներն էլ վտանգված են: Մտահոգ էին Գավառագետի, Սևանա լճի համար, որպես մեր ազգի միակ հարստություն: Լիճը տարիներ շարունակ իր պաշարների հաշվին ամբողջ ազգի գոյությունն է ապահովել թե′ ձկան տեսակներով, և թե′ ռազմավարական կարևոր օբյեկտների համար էլեկտրաէներգիա ապահովելու հաշվին: Աշխարհում տասնյակ հազարավոր լճեր կան, որոնցից և ոչ մեկը չունի այն առանձնահատկությունը, որ ունի Սևանը: Երեխաները նշեցին, որ  պետք է ազգովի փրկենք կապուտաչյա մեր գեղեցկուհուն՝ մեր հարստությանը…2

Միջոցառման տեսական մասին հաջորդեց էկոակումբի անդամների կողմից արված թեմային վերաբերող նկարների ցուցադրումը, կատարվեց նաև քննարկում և լավագույն նկարների հեղինակներին հանձնվեց բնապահպանական թեմայով օրացույցեր: Վերջում կազմակերպվեց «Կայուն ջուր» թեմայով  խաղ՝ «ինչն է լավ, ինչն՝ վատ» և վիկտորինա, որոնց միջոցով երեխաները էլ ավելի գիտակցեցին ջրի պահպանման անհրաժեշտությունը և իրենց դերը այդ գործում: Չնայած ցուրտ պայմաններին նրանք այդ պահին որոշեցին և պատրաստեցին «Փակե′նք ծորակները , եթե ջուր պետք չէ» խորագրով թռուցիկներ և բաժանեցին համայնքի բնակիչներին, դրանով ունենալով իրենց ներդրումն այդ օրվան…

Գեղարքունիքի միջնակարգ դպրոց

«Աժդահակ» էկոակումբ ղեկավար՝ Ն. Դռնոյան

Ինչպես Երեւանը մասնակցեց «Մոլորակի ժամ» համշխարհային բնապահպանական արշավին

Մարտի 19-ի Երեւան քաղաքը մասնակցեց «Մոլորակի ժամ» համշխարհային բնապահպանական արշավին: Ժամը 20:30-ից մինչեւ 21:30-ը մայրաքաղաքում անջատվեցին շենքերի և խորհրդանիշ հանդիսացող հուշարձանների արտաքին և փողոցային լուսավորությունը:  Տեղի ունեցավ հեծանվային ֆլեշ-մոբ երթ, որը միտված էր հասարակությանը ներգրավելու «Մոլորակի ժամ» ակցիային՝ խթանելով այլընտրանքային տրանսպորտի օգտագործման ծավալների ավելացումը: Մաշտոցի պուրակում տեղի ունեցավ համերգային ծրագիր «Վարք հայոց» ավանդական երգի-պարի խմբի և «Խազեր» երգչախմբի մասնակցությամբ: Լուսանակարները վերցված են WWF-Հայաստանի ֆեսբուքյան 2էջից:

10293676_1046174185440110_2099069194270967454_o3

 

 

 

 

 

 

 

 

 

 

 

 

 

 

 

 

7 8 12 11 6 5 416 9 10 15 14 13

«ԷՅ ԹԻ ՓԻ»-Ն ԳՈՐԾԸՆԿԵՐՆԵՐԻ ՆՈՐ ԴԱՇԻՆՔԻ ՀԵՏ ԸՆԴԼԱՅՆՈՒՄ Է ԻՐ ԲՆԱՊԱՀՊԱՆԱԿԱՆ ԿՐԹՈՒԹՅԱՆ ԾՐԱԳՐԵՐԸ

ՀԱՅԱՍՏԱՆ ԾԱՌԱՏՈՒՆԿ ԾՐԱԳԻՐ

1«Հայաստանի առջեւ բազմաթիվ բնապահպանական խնդիրներ են ծառացել, որոնք զգալիորեն ներգործում են աշակերտների եւ, առհասարակ, հասարակության բարեկեցության վրա: Հենց այստեղ է, որ բնապահպանական կրթությունը հարթում է դեպի սոցիալ-տնտեսական կայունություն տանող ուղին»- նշում է «Էյ Թի Փի» բարեգործական հիմնադրամի (Հայաստան Ծառատունկ Ծրագիր) երեւանյան գրասենյակի տնօրեն Լուսինե Քասարջյանը:

2005 թ.-ից սկսած՝ Հայաստան Ծառատունկ Ծրագիրը, Հայաաստանը կանաչապատելուց զատ, իր հիմնական ծրագրերում ներառեց բնապահպանական կրթությունը: Հասարակական եւ միջազգային տարբեր կազմակերպությունների, պետական մարմինների հետ ակտիվ համագործակցությամբ բնապահպանական կրթություն  ծրագրեր զարգացնելու գաղափարը շատ շուտով կյանքի կոչվեց՝ նպատակ հետապնդելով ստեղծել կրթական նոր մոտեցումներ, որոնք համապատասխանեցված կլինեին աշակերտների պահանջներին:

2016 թ.-ի փետրվարին «Էյ Թի Փի»-ն կազմակերպեց բնապահպանական կրթությանն առնչվող երեք կարեւոր հանրային միջոցառում, որոնց վերջնական նպատակն է ոլորտում կուտակած փորձի տարածումը հանրապետության բոլոր դպրոցներում:

«Բազմաթիվ կազմակերպություններ են գործում այս ոլորտում, սակայն դեռեւս համագործակցության պակաս ունենք», – ընդգծում է «Էյ Թի Փի»-ի Բնապահպանական կրթական ծրագրերի ղեկավար Ալլա Սահակյանը: Հենց այս գաղափարի իրագործման նպատակով 2014 թ.-ին հիմնվեց (more…)

ՀՀ Գիտությունների ազգային ակադեմիայի գիտակրթական միջազգային կենտրոնը հրավիրում է անգլերեն լեզվի դասընթացների

lsaranՀՀ ԳԱԱ  Գիտակրթական միջազգային կենտրոնում անգլերեն լեզվի դասընթացները կսկսվեն ս.թ. հոկտեմբերի 12-ից: Գրանցվելու և թեստավորման համար դիմել մինչև ս.թ. հոկտեմբերի 8-ը: Թեստավորման նպատակն է որոշել դիմորդի անգլերեն լեզվի գիտելիքների մակարդակը՝ համապատասխան խմբեր ձևավորելու համար: Խմբերում նախատեսվում է ընդգրկել 4-6 ուսանող:
Դասընթացները  կանցկացվեն համակարգչով, բարձրախոսներով, տեսապրոյեկտորով (OHP) և ինտերնետ կապով հագեցված լսարանում:
ՀՀ ԳԱԱ Գիտակրթական  միջազգային կենտրոնում  ստեղծված են անգլերեն լեզուն ուսուցանելու և անգլիական մշակույթը (more…)

Ընդառաջ Ջրի Համաշխարհային օրվան…

Hraviratoms

 

 

 

 

 

 

Ծրագիր

  1. 16:00՝ Բացման խոսքով ելույթ կունենա Երկրաբանական թանգարանի տնօրեն Գայանե Գրիգորյանը,
  2. 16:10՝ «Ջուրը և աշխատանքը» զեկույցով հանդես կգա «Ազգային ջրայինհամագործակցություն» ՀԿի նախագահ  Արևիկ Հովսեփյանը,
  3. 16:30՝ «Հայկական Լեռնաշխարհի վիշապաքարերը և նրանց ջրային կոդը» զեկույցով հանդես կգա պ.գ.թ. Արսեն Բոբոխյանը,
  4. 17:00՝ «ՀՀ ջրային ռեսուրսները: Ջրերի տեսակները» զեկույցով հանդես կգա ԳԱԱ ԵԳԻ հիդրոերկրաբանության լաբորատորիայի վարիչ Հրաչ Շահինյանը,
  5. 17:30՝ «Հայաստանի ջրաերկրաբանական հուշարձանները» զեկույցով հանդես կգա Հ. Կարապետյանի անվան Երկրաբանական թանգարանի աշխատակից Սեդա Ավագյանը:

«Աժդահակ» էկոակումբը միանում է «Մոլորակի ժամ 2016» համաշխարհային բնապահպանական արշավին

Գեղարունիքի մարզի Գեղարքունիք համայնքի միջնակարգ դպրոցում գործող «Աժդահակ» էկոակումբը միանում է «Մոլորակի ժամ 2016» համաշխարհային բնապահպանական արշավին:

«Մոլորակի ժամ 2016»-ը տեղի կունենա սույն թվականի մարտի 19-ին՝ ժամը 20:30-21:30-ին:

Տեսանյութը՝ «Աժդահակ» էկոակումբի:

Էկոտուրիզմի փառատոն Գոմք և Մարտիրոս համայնքներում

10414533_718445581546223_5124836760481722252_n                                      Հայաստանի Վայոց ձորի Գոմք և Մարտիրոս համայնքներում հունիսի 4-ին և 5-ին կանցկացվի էկոտուրիզմի առաջին փառատոնը:Նախաձեռնողներն են   «Ջերմուկի զարգացման կենտրոն»  և  «Երիտասարդ կենսաբանների ասոցիացիա» ՀԿ   հասարակական կազմակերպությունները :

Էկոզբոսաշրջության փառատոնի նպատակն է նպաստել էկոզբոսաշրջության զարգացմանը Վայոց Ձորի մարզի Գոմք և Մարտիրոս համայնքներում, ինչպես նաև բարձրացնել էկոզբոսաշրջության վերաբերյալ հանրային իրազեկվածության մակարդակը:

10320355_718446084879506_3354991491508222438_n (more…)

Վերագտնե՜նք կորսված կղզին մեր Սևանի

Սերգեյ ՀԱՋԻՆՅԱՆ

CREATOR: gd-jpeg v1.0 (using IJG JPEG v80), quality = 100

CREATOR: gd-jpeg v1.0 (using IJG JPEG v80), quality = 100

Մեր ժողովրդին բախտ է վիճակվել հազարամյակներով ապրելու մեզ կյանք պարգևող քաղցրահամ (խմելու) ջրի` մեր տարածաշրջանի միակ հսկայական շտեմարան հանդիսացող Սևանա լճի հարևանությամբ, որը նախկինում, ջրի հայելու իր անհամեմատելի բարձր մակարդակի (մոտ 15 մետր) շնորհիվ (չհաշված վերջին 80 տարիները) կարողացել է դարեր շարունակ գոյատևել, նպաստելով և ապահովելով բավականին հավասարակշռված, գրեթե անփոփոխ, կայուն և առանց ցնցումների էկոհամակարգ, իր կենսաբանական լիարժեք և նորմալ վիճակով: Մինչև 1950-ականների սկիզբը լիճն իր գրկում ուներ գեղատեսիլ, հրապուրիչ և չքնաղ մի կղզի, որի`ցամաքին բավականին մոտ հանգամանքն էլ ավելի էր ընդգծում լճի անգերազանցելի գեղեցկությունը, հմայքն ու առեղծվածային լինելը:

Նախկինում կղզու և ցամաքի միջև ընկած հսկայական մեծ ծավալի ջրային տարածքն իր գոյությամբ, միանշանակ ապահովել է լճի այդ հատվածում ջրի բնականոն, մշտական, երկկողմանի տեղաշարժը, որը լճի մակարդակի իջեցումից հետո իսպառ դադարեց գոյություն ունենալուց` կապված թերակղզու անցանկալի «հայտնությամբ», որն իր հետ բերեց այդ տարածքի (ներառյալ կղզու) էկոհամակարգի մեծ խաթարման:   (more…)

«Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով վերապատրաստման դասընթաց

KT LogoԿենաց տուր (Kenats Tour) զբոսաշրջային ընկերությունը և Էսոլարմ վերապատրաստման և թեստավորման կենտրոնն (Esolarm) իրականացնում են «Զբոսաշրջության կայուն կառավարում. ագրո և էկո զբոսաշրջության հեռանկարները ՀՀ-ում և կազմակերպման յուրահատկությունները» թեմայով վերապատրաստման դասընթաց:

Ժամանակակից տնտեսության սրընթաց զարգացումը պահանջում է կայուն կառավարում: Զբոսաշրջությունը, լինելով տնտեսության գերակա ճյուղերից մեկը, նույնպես ենթադրում է ոլորտի կայուն կառավարում: Այս խնդիրն առավել արդիական է հատկապես զարգացող երկրներում՝ ինչպիսին է Հայաստանի Հանրապետությունը: Ոլորտի կայուն և երկարաժամկետ զարգացմանը մեծապես նպաստում են զբոսաշրջության այնպիսի տեսակները, ինչպիսիք են ագրո և էկո զբոսաշրջությունը: Հայաստանում տարեցտարի ավելի է մեծանում այս ուղղությունների պահանջարկը, և զբոսաշրջային կազմակերպությունների կողմից նման փաթեթների ճիշտ կազմակերպումը կնպաստի Հայաստանում զբոսաշրջության ոլորտի կայուն զարգացմանը:

Թրեյնինգը կօգնի զբոսաշրջության ոլորտի կայացած մասնագետներին, ինչպես նաև նրանց, ովքեր իրենց առաջին քայլերն են կատարում զբոսաշրջության արդյունաբերության ոլորտում, ձեռք բերել տեսական և գործնական գիտելիքներ զբոսաշրջության կայուն կառավարման, ինչպես նաև էկո և ագրո զբոսաշրջության կազմակերպման յուրահատկությունների վերաբերյալ:

Մասնակիցները կյուրացնեն զբոսարշրջության կայուն զարգացման  առանձնահատկությունները, կծանոթանան հյուրանոցի կայուն կառավարման յուրահատկություններին, համաշխարհային զբոսաշրջության արդի ուղղություններին, որոնք ապահովում են կայուն զարգացում և հեռանկարային են Հայաստանի Հանրապետության համար, ինչպես նաև ագրո է էկո  զբոսաշրջության, ագրոտուրիստական և էկոտուրիստական ձեռնարկությունների ու փաթեթների կազմակերպման յուրահատկություններին: Մասնակիցները կսովորեն նաև, թե ինչպես մշակել էկո և ագրո ծրագրեր Հայաստանի Հանրապետությունում՝ հիմնվելով համաշխարհային փորձի վրա, ինչպես վերլուծել Հայաստանի Հանրապետության զբոսաշրջային շուկան և բացահայտել դրա յուրահատկությունները:

Թրեյնինգի ընթացքում կկազմակերպվի նաև այցելություն ագրոտուրիստական ձեռնարկություն, որտեղ մասնակիցների կողմից կիրականացվի մշտադիտարկում:

Թրեյնինգը կվարեն Գերմանիայում վերապատրաստում անցած Երևանի Վ. Բրյուսովի անվ. պետական լեզվահասարակագիտական համալսարանի զբոսաշրջության բաժնի դասախոսներ Հերմինե Առաքելյանը և Աննա Մինասյանը:

 Թրեյնինգը ներառում է՝
– Տեսական դասընթացներ,
– Գործնական աշխատանքներ,
– SWOT վերլուծություն,
– Իրավիճակների վերլուծություն,
– Նյութերի տրամադրում,
– Էքսկուրսիոն այցելություն՝ մշտադիտարկում կատարելու նպատակով,
– Մշտադիտարկման արդյունքների վերլուծություն և գնահատում:

Վայրը՝ Էսոլարմ վերապատրաստման և թեստավորման կենտրոն, Բաղրամյան 67/1:

Հաճախականությունը՝ 5 օր, շաբաթական երկու անգամ ՝ 2 ժամ տևողությամբ, փետրվարի 27-ից մարտի 12-ը՝ շաբաթ և կիրակի օրերին:

Թրեյնինգի ավարտին կտրվեն սերտիֆիկատներ:

Գրանցվելու և մանրամասների համար զանգահարել՝
060 509 709, 091 96 20 20

Ռեկորդային տարի՝ Հայաստանում բնապահպանական կրթության տեսանկյունից

Անի Մելքոնյան

krtaranԵՐԵւԱՆ–Բնապահպանական կրթությունը «Հայաստան Ծառատունկ Ծրագրի» ռազմավարական առաջնահերթություններից է՝ սկսած 2005 թ.-ից, Հայաստանի ողջ տարածքում իրականացվող վերապատրաստումներով եւ սեմինարներով: Հազարավոր դպրոցականներ այցելում են բոստոնաբնակ Օհանյան ընտանիքի կողմից ֆինանսավորվող երկու կրթական կենտրոններ: Այս կենտրոններից մեկը գտնվում է Կարինի տնկարանի տարածքում, իսկ մյուսը՝ Մարգահովիտ գյուղում: «Հայաստան Ծառատունկ Ծրագիրն» («Էյ Թի Փի» բարեգործական հիմնադրամ) այստեղ անցկացնում է ինտերակտիվ դասընթացներ՝ բնապահպանական ամենատարբեր թեմաներով: 2015 թ.-ը բեկումնային տարի էր կենտրոններ այցելած աշակերտների քանակի իմաստով. Երեւանից, Կոտայքից ու Արմավիրից Մայքլ եւ Վիրջինիա Օհանյանների անվան բնապահպանական կենտրոնի դասերին մասնակցել են (more…)