Շրջակա միջավայրի արժեքները ՝ որպես էկոտուրիզմի զարգացման խթան

Սույն  թվականի   ապրիլի 2ին Հայաստանի ամերիկյան համալսարանի Հակոբյան բնապահպանական կենտրոնի կողմից կազմակերպված «Էկոտուրիզմը Հայաստանում» համաժողովի ընթացքում տեղի ունեցան նիստեր, որոնք վերաբերվում էին  զբոսաշրջության տարբեր տեսակներին: Դրանցից մեկը՝  վայրի  բնության  վրա հիմնված զբոսաշրջությունն էր:

IMG_1561

Մասնավորապես  «Երիտասարդ կենսաբանների ասոցիացիա»-ից  Սարգիս Աղայանը ներկայացրեց ՝ Զառիթափ-Գոմք-Մարտիրոս էկոտուրիզմի երթուղու ծրագիրը: նա նշեց, որ ծրագրի հիմնական նպատակը  էկոզբոսաշրջության  զարգացում  է , կենսաբազմազանության պահպանումը   և երիտասարդության զբաղվածության խթանումը՝   Վայոց Ձորի մարզի  նշված համայնքներում: «Ծրագրի շրջանակներում մի քանի երթուղիներ ենստեղծվել և ցանկացած տուրիստ միայնակ կարող է գնալ, քանի որ առկա են բոլոր ցուցանակները, որոնք ներկայացված են անգլերեն լեզվով:ecotour.am   կայքի դոմեյնի վրա  ստեղծվեց zgm.ecotour.am  կայքը , որի միջոցով կարող են ծանոթանալ  երթուղիներին, տարածքի պատմամշակութաին արժեք ներկայացնող հուշարձաններին, տեղի կենսաբազմազանությանը»,-հայտնեց  Ս. Աղայանը: (more…)

«Աժդահակ» էկոակումբի սաները «Վտանգված տեսակներ» միջոցառմամբ «բողոքեցին» կենսաբազմազանության դեմ ուղղված մարդու սխալ քայլերի դեմ

Գեղարքունիքի միջնակարգ դպրոց, «Աժդահակ» էկոակումբ ղեկավար՝ Ն Դռնոյանazhdahak1

Մարդը Երկիր մոլորակի վրա բնակվող 10 մլն. կենսաբանական տեսակներից մեկն է: Առաջին մարդիկ երկրի վրա հայտնվեցին 500 հազար տարի առաջ, երբ մեր մոլորակը 4.5 մլրդ. տարեկան էր: Մեր նախնիները այդ շրջանում դեռևս ներդաշնակ էին բնության հետ, և նրանց կենսագործունեությունը չէր խախտում բնության հավասարակշռությունը: Քաղաքակրթության զարգացմանը զուգընթաց մարդու և բնության միջև հակադրություն առաջացավ: ԵՎ այսօր բնությունը անզորեղ է վերականգնելու իր ուժերը, իսկ այդ ամենի հետևանքով առաջացած հիմնահարցերը կարող են ցանկացած պահին մարդկության վերացման պատճառ դառնալ Երկիր մոլորակի վրա… Ահա այսպիսին էր «Աժդահակ» էկո ակումբի մտահղացմամբ Գեղարքունիքի միջնակարգ դպրոցում ապրիլի 14-ին անցկացված «Վտանգված տեսակներ» խորագրով միջոցառման սկիզբը: Միջոցառում, որը «բողոք» էր կենսաբազմազանության կողմից՝ մարդու կենսագործունեության սխալ քայլերի դեմ:

Աշակերտներից յուրաքանչյուրը մարմնավորում էր «Կարմիր գրքում» հայտնված մի կենդանատեսակի: Համապատասխան հանդերձանքները պատրաստվել էին նրանց ձեռքերով՝ հիմնականում թափոնների միջոցով: Երեխաները մեծ սիրով և ոգևորությամբ էին ներկայացնում այդ կենդանիների մասին մանրամասներ, հանելուկներ, հետաքրքիր փաստեր և այդ բոլորը իրենց աշխատասիրության, ստեղծագործական  մտքի շնորհիվ՝ օգտվելով GIZ-ի և «Խազեր» էկոլոգամշակութային հկ-ի կողմից տրամադրված ձեռնարկներից և գրքույկներից, ինչպես նաև համացանցից: Հանդիսատեսին ներկայացվեց Բնության և բնական ռեսուսների պահպանության միջազգային միության /ԲՊՄՄ/-ի Կարմիր գրքի հասկացություններն ու տրվեցին համապատասխան բացատրություններ: Մտահոգիչ էր Բեզոարյան այծերի, Կովկասյան ընձառյուծի և Գառնանգղի /մորուքավոր անգղ/ մասին տվյալները: Հայկական մուֆլոնը և բեզոարյան այծը՝ ընձառյուծի հիմնական կերատեսակը, Հայաստանի լեռնային գոտիներում ժամանակին լայն տարածում ունեին, սակայն այժմ նույնիսկ արգելոցներում խիստ սահմանափակ քանակությամբ են և գտնվում են անհետացման եզրին, իսկ դրանց վերացումը (more…)

«Սա այն տոնն է, որ պարտավոր ենք ուրախանալ և մեկ անգամ ևս ասել՝ շնորհավո՛ր տոնդ մայր»

1

Ապրիլի 7-ին  116  հիմնական դպրոցի   4 Ա  դասարանի աշակերտները  բաց դաս անցկացրեցին՝   նվիրված մայրության և գեղեցկության տոնին: Նրանք  բանաստեղծությունների , երգերի ու պարերի տեսքով ողջունեցին իրենց մայրերին, խոսեցին ընտանիքի,  ավետման   օրվա   մասին: Վերջում  աշակերտներն իրենց դասարանի ղեկավարին՝  Աննա Մելքոնյանին,     անակնկալ  մատուցեցին պարերով , գեղեցիկ կատարումներով  և  իրենց կողմից պատրաստված բացիկներով:

«Զինվորը երբեք չի մոռանում այն էակին , որը իրեն  կյանք է տվել: Այսօր այստեղ հրաշալի խոսքեր ասացին՝ մորն ուղղված, և մեզ ապացուցեցին, որ մայրը մեր տան արեգակն է, միանում եմ ձեզ և ամբողջ հոգով շնորհավորում եմ մեր մայրերին և ցանկանում եմ, որ այն, ինչ կատարվեց այս մի քանի օրվա ընթացում, էլ չկրկնվի , որոհետև բոլոր մայրերը շատ տխրեցին, անսահման տխրություն էր իջել, բայց մենք՝  բոլորս, ականատես եղանք , որ աշխարհի բոլոր ծայրերից հազարավոր մայրեր արձագանքեցին և իրենց ցանկությունն հայտնեցին գնալ Արցախ և պահպանել մեր հողը, մայր հայրենիքը»,-այսպես շնորհավորեց մայրերի տոնը դպրոցի (more…)

Մոսկվայում հանդիպել են Հայաստանի եւ Ադրբեջանի ՊՆ գլխավոր շտաբերի պետերը

Yuri_XachaturovՊաշտպանության նախարար Սեյրան Օհանյանն այսօր կառավարության նիստում ներկայացնելով իրավիճակը Լեռնային Ղարաբաղում՝ ասաց, որ երեկ Մոսկվայում հանդիպել են Հայաստանի եւ Ադրբեջանի ՊՆ գլխավոր շտաբերի պետերը: Այն փաստորեն խիստ գաղտնի է պահվել, քանի որ այդ հանդիպման մասին որեւէ տեղեկատվություն չի եղել: Երկու երկրների շտաբերի պետերի հանդիպման ժամանակ, ինչպես ասաց պարոն Օհանյանը՝ հրադադարի պայմանավորվածություն է ձեռք բերվել: Սեյրան Օհանյանը նաեւ ասաց, որ Ադրբեջանի գործողությունները թե՛ ծավալով, թե՛ օգտագործված տեխնիկայի տեսակներով թե՛ վարձկանների, թե զորքերի թվով աննախադեպ էին:

Լուսինե ԲՈՒԴԱՂՅԱՆ                                                                                                              Աղբյուր` www.aravot.am

Սեյրան Օհանյան. «Պատրաստ ենք հակառակորդի կողմից սանձազերծված ցանկացած գործողության տալ համարժեք պատասխան»

Seyran_Ohanyan_HranushՊաշտպանության նախարար Սեյրան Օհանյանը՝ ներկայացնելով ղարաբաղա-ադրբեջանական շփման գծում եղած իրավիճակը ասաց, որ Ադրբեջանի սանձազերծած գործողություններն այս անգամ աննախադեպ էին ոչ միայն 1994 թվականի զինադադարից հետո, այլ ընդհանրապես ղարաբաղյան առաջին պատերազմի համեմատ՝ հաշվի առնելով մի քանի հանգամանքներ: Պարոն Օհանյանի խոսքերով. «Աննախադեպ էին առաջին հերթին ռազմական տեսանկյունից՝ շփման գծի ողջ երկայնքով կիրառվող կրակի խտությունը, կիրառվող զինատեսակների ու ռազմական տեխնիկայի տեսակները, ներգրավված ուժերի քանակը եւ նրանց շարունակական ծավալումն ու մոտեցումը առաջնային գծին:Ադրբեջանի Հանրապետության կորուստների քանակը՝ համեմատած պաշտպանության բանակի կորուստների հետ, բազմակի էին, կարելի է ասել, 10 անգամից ավելի»: Ըստ նախարարի, ադրբեջանական բանակում վարձկաններ ու ահաբեկիչներ կան, որոնք ագրեսիվ գործողություններ են իրականացրել: Նախարարի խոսքերով՝ իրավական տեսանկյունից առկա էր Ադրբեջանի կողմից սանձազերծված գործողությունների ագրեսիայի ակնհայտ բնույթ: Այդ բնույթի գործողությունները թույլ են տալիս ասելու, որ նրանք նախօրոք նախապատրաստված էին: Սեյրան Օհանյանի խոսքերով՝ Ադրբեջանի զինծառայողների դիակների եւ ոչնչացված զինտեխնիկայի մասին մեր հանրությունն արդեն իրազեկված է: Ադրբեջանական կողմը, նրա խոսքով, հումանիտար տեսանկյունից ռազմական հանցագործություններ է իրականացրել՝ խոշտանգելով, գլխատելով մարդկանց, լայնամասշտաբ գործողություններ սանձազերծելով. «Ակնհայտ է՝ հայկական համախմբում եղավ, կարելի է ասել, վերածնունդ, հասարակության մեջ բարձր բարոյահոգեբանական մթնոլորտ է»: Նախարարը նաեւ ասաց, որ այդ հերոսությունների արդյունքում, ադրբեջանական կողմը կարելի է ասել՝ ոչնչի չի հասել ռազմավարական առումով: Նրանց կողմից տարածված այն տեղեկությունը, թե մի քանի հայկական բնակավայրեր իրենց մոտ են գտնվում, Սեյրան Օհանյանի խոսքով, այդ բնակավայրերը՝ Թալիշը, Նոր Սեյսուլան գյուղերը գտնվում են ԼՂ պաշտպանության խորքում. «Մարտավարական առումով մի քանի վայրերում՝ հարավում, կենտրոնում եւ հյուսիսում ավելի թեժ կետերում վերահսկողությունը, նախաձեռնությունը եւ կրակային խոցման հնարավորությունները գտնվում են պաշտպանության բանակի համապատասխան ստորաբաժանումների վերահսկողության ներքո»: Այսօր, նրա խոսքերով, ՊԲ մարտունակության աստիճանը, պաշտպանության ղասավորվածությունը եւ ծավալումը թույլ են տալիս ասելու, որ «պատրաստ ենք հակառակորդի կողմից սանձազերծված ցանկացած գործողության տալ համարժեք պատասխան, դեռ ավելին»:

 

Լուսինե ԲՈՒԴԱՂՅԱՆ                                                                           Աղբյուր` www.aravot.am

Ադրբեջանական բանակի զինծառայողների կատարած հանցագործությունների փաստի առթիվ հարուցվել է քրեական գործ

Ապրիլի 2-ից 5-ն ընկած ժամանակահատվածում Ադրբեջանական բանակի զինծառայողների կատարած հանցագործությունների փաստի առթիվ համապատասխան ռազմաիրավապահ մարմինների կողմից հարուցվել է քրեական գործ: Ռազմաճակատում իրականացվում են անհետաձգելի քննչական գործողություններ:

Այս օրերի ըմթացքում ղարաբաղա-ադրբեջանական հակամարտ զորքերի շփման գծում տեղիունեցած մարատական գործողությունների ընթացքումհակառակորդն աչքի  ընկավ աննախադեպ բարբարոսական գործողություններով ոչ միայն ՊԲ զինծառայողների, այլև խաղաղ բնակչության հանդեպ:

 

 

Այս գիշեր պահպանվել է հրադադարը

PN_Shenq_2Այս գիշեր ղարաբաղա-ադրբեջանական հակամարտ զորքերի շփման գոտում հիմնականում պահպանվել է ապրիլի 5-ի ժամ 12-ին ձեռք բերված կրակի դադարեցման շուրջ պայմանավորվածությունը:
Այս մասին հայտնում է ԼՂՀ պաշտպանության նախարարությունը իր պաշտոնական կայքի միջոցով (06/04/16 [08:55] հաղորդագրություն):

 

Lարվածության աճ` հայ-ադրբեջանական պետական սահմանագոտու հյուսիսարևելյան հատվածում

ՀՀ պաշտպանության նախարարություն

Անցած գիշեր և այսօր առավոտյան զինված դիմակայության լարվածության աճ է արձանագրվել հայ-ադրբեջանական պետական սահմանագոտու հյուսիսարևելյան հատվածում` ՀՀ Տավուշի մարզի Բերդավան և Կոթի բնակավայրերի ուղղությամբ: Ադրբեջանական կողմը հայ դիրքապահների և բնակավայրերի ուղղությամբ կիրառել է տարբեր տրամաչափի հրաձգային զինատեսակներ, 60 և 82մմ ականանետեր:

ՀՀ ԶՈւ առաջապահ ստորաբաժանումների ձեռնարկած պատասխան գործողությունների արդյունքում հակառակորդի ակտիվությունը ճնշվել է: Փոխհրաձգության ընթացքում բեկորային վիրավորում է ստացել պայմանագրային զինծառայող Զորի Գորիսի Աշրաֆյանը (ծնվ. 1983թ.):

ՀՀ զինված ուժերը դրսևորելով զսպվածություն շարունակում են վստահորեն վերահսկել սահմանային իրավիճակը:

Մեկնարկել է «Տոնե՛նք գարունը թռչունների հետ» նկարչական մրցույթը

mrcuytՀայաստանի թռչունների պահպանման միությունը «Գարնանն ընդառաջ» ծրագրի շրջանակներում հայտարարում է նկարչական մրցույթ «Տոնե՛նք գարունը թռչունների հետ» խորագրով: Մասնակիցներն իրենց նկարներում պետք է պատկերեն «Գարնանն ընդառաջի» բոլոր թռչնատեսակներին կամ նրանցից որևէ մեկին գարնան համայնապատկերում (Սպիտակ արագիլ, Գյուղական ծիծեռնակ, Սև մանգաղաթև, Սովորական կկու և Ոսկեգույն մեղվակեր): Մրցույթին կարող են մասնակցել բոլոր դպրոցականներն, ինչպես Երևանից, այնպես էլ մարզերից:

Լավագույն 3 աշխատանքները կպարգևատրվեն Հայաստանի թռչունների պահպանման միության կողմից: Գլխավոր մրցանակն է պլանշետ:

Աշխատանքներն ուղարկել մինչև հունիսի 1- ը Պ. Սևակ 7, ք. Երևան, 0014, Հայաստան: Հարցերի դեպքում կարող եք զանգահարել + 374 10 20 87 25 հեռախոսահամարով:

Հայաստանի թռչունների պահպանման միություն

Փակենք ծորակները, եթե ջուր պետք չէ

1Ինչպես ողջ մարդկությունը, այնպես էլ Գեղարքունիքի միջնակարգ դպրոցում գործող «Աժդահակ» էկոակումբը մարտի 22-ին նշեց Ջրի համաշխարհային օրը: Օր, որի նպատակն է մարդկանց մեկ անգամ ևս իրազեկել այդ կենարար հեղուկի կարևորության և ջրային ռեսուրսների ճիշտ կառավարման մասին: Աշխարհում մոտ մեկ միլիարդ մարդ չունի խմելու ջրից օգտվելու հնարավորություն, իսկ 2.5 միլ. մարդ՝ դրա համար անհրաժեշտ սանիտարական պայմանները : Քաղցրահամ ջուրը Երկրի ցամաքի բոլոր կենդանի համակարգերի գոյության կարևոր բաղադրիչն է և անհրաժեշտ պայմանը: Ջրի ցանկացած հատկություն եզակի է և հազվադեպ: Նշվեց, որ քաղցրահամ ջրի  պաշարները ամբողջ աշխարհում սահմանափակ են, մաքուր ջրի սակավությունից տուժում են շատ երկրներ: Կարևորվեց նաև անտառների դերը Երկիր մոլորակի քաղցրահամ ջրի պաշարների ձևավորման և պահպանման հարցում, իսկ անտառների վիճակը Հայաստանում՝ ըստ մասնագետների աղետալի է , հետևաբար կարևոր խնդիր է նաև դրանց ճիշտ կառավարումը: Երեխաները հպարտորեն նշեցին, որ Հայաստանի բնակիչները խմում են մաքուր և համեղ ջուր, քանի, որ դրա 90%-ից ավելին ստորգետնյա աղբյուրների ջրերն են:   Սակայն նրանք մտահոգ էին ջրային ավազաններ ներթափանցող տարբեր բնույթի աղտոտիչների անթույլատրելի քանակի և կեղտաջրերի համար, որոնց պատճառով որոշ ջրայի և ցամաքային էկոհամակարգեր ոչնչացվել են, իսկ որոշներն էլ վտանգված են: Մտահոգ էին Գավառագետի, Սևանա լճի համար, որպես մեր ազգի միակ հարստություն: Լիճը տարիներ շարունակ իր պաշարների հաշվին ամբողջ ազգի գոյությունն է ապահովել թե′ ձկան տեսակներով, և թե′ ռազմավարական կարևոր օբյեկտների համար էլեկտրաէներգիա ապահովելու հաշվին: Աշխարհում տասնյակ հազարավոր լճեր կան, որոնցից և ոչ մեկը չունի այն առանձնահատկությունը, որ ունի Սևանը: Երեխաները նշեցին, որ  պետք է ազգովի փրկենք կապուտաչյա մեր գեղեցկուհուն՝ մեր հարստությանը…2

Միջոցառման տեսական մասին հաջորդեց էկոակումբի անդամների կողմից արված թեմային վերաբերող նկարների ցուցադրումը, կատարվեց նաև քննարկում և լավագույն նկարների հեղինակներին հանձնվեց բնապահպանական թեմայով օրացույցեր: Վերջում կազմակերպվեց «Կայուն ջուր» թեմայով  խաղ՝ «ինչն է լավ, ինչն՝ վատ» և վիկտորինա, որոնց միջոցով երեխաները էլ ավելի գիտակցեցին ջրի պահպանման անհրաժեշտությունը և իրենց դերը այդ գործում: Չնայած ցուրտ պայմաններին նրանք այդ պահին որոշեցին և պատրաստեցին «Փակե′նք ծորակները , եթե ջուր պետք չէ» խորագրով թռուցիկներ և բաժանեցին համայնքի բնակիչներին, դրանով ունենալով իրենց ներդրումն այդ օրվան…

Գեղարքունիքի միջնակարգ դպրոց

«Աժդահակ» էկոակումբ ղեկավար՝ Ն. Դռնոյան