Ecolur Blog

Հայի մեջ ՀԱՅԻՆ է պետք արթնացնել և խավարը կցրվի…

Ecolur — Fri, 31 May 2013 09:40:50 +0000

Համահայկական բնապահպանական ճակատ

Մայիսի 28-ին Կանաչ ջոկատը Տավուշի մարզի Գետահովիտ գյուղում էր: Այցի նպատակն էր` պարզել, թե ինչ աշխատանքներ են կատարվում այդ պահին Խաչաղբյուր գետի վրա` Իջևանի արգելավայրի տարածքում կառուցվող 2-րդ փոքր ՀԷԿ-ում, և ինչ են մտածում գյուղացիներն այդ ուղղությումբ: Հասնելով գյուղ` Կանաչ ջոկատի անդամները զրույցի բռնվեցին գյուղացիների հետ, որից պարզ դարձավ, որ գյուղացիներին տարբեր միջոցներով ճնշել և վախեցրել են` նախորդ անգամ պայքարի դուրս գալու և այդ նույն ՀԷԿ-ի կառուցումը կասեցնելու համար: Փաստորեն, նրանց տարբեր եղանակներով ստիպել են լռել և այլևս ձայն չբարձրացնել կառուցվող ՀԷԿ-ի դեմ: Գյուղացիները պնդեցին, որ շարունակում են դեմ լինել ՀԷԿ-ի կառուցմանը, սակայն նրանց խոսքում առկա էր հուսահատություն, և նկատելի էր, որ կորել է պայքարը շարունակելու վճռականությունը: Քիչ անց մեզ և գյուղացիներին մոտեցան մի խումբ մարդիկ հակառակ պնդումներով` առ այն, որ գյուղը կողմ է ՀԷԿ-ի կառուցմանը: Նրանք շատ ագրեսիվ էին տրամադրված թե՜ գյուղացիների, թե՜ մեր նկատմամբ:

Մենք որոշեցինք չշարունակել նրանց հետ քննարկումները, այլ գնալ ՀԷԿ-ի տարածք և սեփական աչքերով տեսնել, թե ինչ է կատարվում այնտեղ: Դեպի գետ տանող ճանապարհին այդ նույն մարդիկ, ովքեր պնդում էին, թե գյուղը կողմ է ՀԷԿ-ի կառուցմանը, երկու մեքենայով փակեցին մեր ճանապարհը` ագրեսիվորեն հորդորելով չգնալ շինարարության տարածք և հեռանալ: Կանաչ ջոկատն անմիջապես ահազանգեց ոստիկանություն և հաղորդեց այդ օրինախախտման մասին` տրամադրելով նաև մեր ճանապարհը փակած մեքենաների համարները (57 LO 283 Նիվա և 25 OO 423 ՈւԱԶ մակնիշների): Ահազանգից հետո նրանք անմիջապես բացեցին ճանապարհը և մենք առանց խոչընդոտի հասանք գետափ, որտեղ նույնիսկ տոնական օրով ընթանում էին շատ ինտենսիվ շինարարական աշխատանքներ:

Եթե այդ մարդիկ մեր ներկայությամբ էին ահաբեկում գյուղացիներին և իրենց թույլ տալիս փակել մեր ճանապարհը, ապա կարող եք պատկերացնել, թե ինչեր են կատարվել Գետահովիտ գյուղում կողմնակի աչքերի բացակայության պայմաններում…

ՀԷԿ-ի շինարարության տարածքից հետ վերադառնալուց հետո, բնապահպան Մարիամ Սուխուդյանը դիմեց Գետահովիտի գյուղացիներին: Դիտեք, թե ինչպես կարող է հանուն բնության պահպանության ու հանուն ընդհանուր շահի ասված խոսքն ազդել մարդկանց վրա: Տեսեք, թե ինչպես կարող է լույսը ցրել խավարին: Նայեք, թե ինչպես է հայ մարդը փախչում իր մեջ արթնացող ՀԱՅԻՑ: Մարդիկ վախենում են ուղղել իրենց ողնաշարը ու մինչև վերջ տեր կանգնել իրենց բնությանը, հողին ու հայրենիքին: Գետահովիտի բնակիչները դեռ մի քանի ամիս առաջ ոտքի էին կանգնել և դադարացրել ՀԷԿ-ի կառուցումը, ինչով հրաշալի օրինակ էին դարձել Բյուրականի, Մարցի և այլ գյուղերի համար, որտեղ ևս գյուղացիներն ընդվզեցին ՀԷԿ-երի կառուցման դեմ:

Այս տեսանյութում գետահովիտցիները, ում վախեցրել ու ահաբեկել են, ում ստիպել են ետ կանգնել իրենց պայքարից, լսում են բնապահպանի խոսքերը և սկսում են ետ-ետ քայլել, հեռանալ… Ինչ-որ բան է արթնանում նրանց մեջ: Նրանք գիտակցում են, որ պայքարի էին դուրս եկել, սակայն ուժ չեն գտնում մինչև վերջ հասցնելու իրենց պայքարը, քանի որ տեղի են տվել մասնավորի շահին ու ճնշումներին:

Սա այդ օրվա արշավի կարևորագույն պահերից մեկն էր: Հայի մեջ ՀԱՅԻՆ է պետք արթնացնել, օգնել, որ մինչև վերջ տեր կանգնի իր հողին: Եվ խավարը կցրվի…

https://www.youtube.com/watch?feature=player_embedded&v=Woxx47Haghk

WWF-ը, Ամուլսարը ու Արքայազն Չարլզը՝ մեկ խճանկարում

Ecolur — Tue, 28 May 2013 08:12:39 +0000

Թեհմինե Ենոքյան

Ամուլսարի ոսկու հանքի հնարավոր շահագործման հարցը շարունակում է հանրության ուշադրության կենտրոնում մնալ: Լիդիան Ինթերնեյշնլ ընկերությունը ՀՀ Բնապահապանության նախարարությանը ներկայացրած ՇՄԱԳ-ում (շրջակա միջավայրի վրա ազդեցության գնահատում) ՀՀ Կարմիր գրքում գրանցված բույսերի և կենդանիների մասին առանձնապես չէր նշել: Հավանաբար ձեռնտու չէր նշել այն, ինչ Վայրի բնության հիմնադրամի` WWF-ի հայաստանյան մասնաճյուղի տնօրեն Կարեն Մանվելյանը վերջերս ներկայացրեց՝ կապված Ամուլսարում իրենց մասնագիտական խմբի կատարած հետազոտութունների հետ:Կազմակերպության կողմից Ամուլսարում եւ հարակից տարածքներում հայտնաբերվել է Կարմիր գրքում գրանցված մեկ բուսատեսակ՝ Potentilla porphyrantha, երկու տեսակի սողուն, տասնութ տեսակի թռչուն եւ չորս տեսակի կաթնասուն: Այսպես, Ամուլսարում և հարակից տարածքներում բնակվում են Կարմիր գրքում գրանցված գորշ արջը, բեզոարյան այծը, մուֆլոնը, հայկական իժը:

Մեկ ամսից ավել է, ինչ տարբեր լրատավամիջոցներով քննարկվում է արքայազն Չարլզի այցը Հայաստան: Նշենք նաև, որ նրան հրավիրել է ՀՀ նախկին վարչապետ Արմեն Սարգսյանը, ով վերջերս նշանակվել է Լիդիան ինթերնեյշնլի տնօրենների խորհրդի անդամ: Թերևս այս հանգամանքից ելնելով է, որ բազմաթիվ լրատվամիջոցներով սկսեց շահարկվել, որ Արքայազն Չարլզը գալիս է Հայաստան Ամուլսարի հանքը բացելու նպատակով, ինչն անշուշտ առաջացրեց շատերի զարմանքը և հատկապես բնապահպանների զայրույթը: Սակայն երկու օր առաջ Մեծ Բրիտանիայի դեսպանատան պաշտոնապես հրապարակած մամլո հաղորդագրության մեջ հստակ գրված էր, որ այցը կրելու է մասնավոր բնույթ և Ուելսի Արքայազն Չարլզը մայիսի 28-30-ը մասնավոր այցելությամբ կլինի Հայաստանում` որպես «Երեւան, իմ սեր» բարեգործական հիմնադրամի հյուր և կայցելի Հայաստանի պատմամշակութային հուշարձաններ:Տեղին է այստեղ հիշեցնել, որ Ամուլսարում նույնպես հայտնաբերվել են պատմամշակութային հուշարձաններ, դամբարանադաշտեր, քարե և բրոնզեդարյա իրեղեն, և մշակութային այս ժառանգությունը վտանգված է անգլիական հանքարդյունաբերական ընկերության կողմից Ամուլսարը շահագործելու ծրագրի պառճառով:Այցելության նպատակները պարզելու նպատակով Թեղուտի պաշտպանության քաղաքացիական նախաձեռնության մի քանի անդամներ հանդիպել են ՀՀ-ում Մեծ Բրիտանիայի դեսպանության պաշտոնյաների հետ, ովքեր հավաստիացրել են, որ Ուելսի Արքայազն Չարլզի այցելությունը Հայաստան մասնավոր է և որևէ առնչություն չունի Ամուլսարի հանքի հետ:«Այս հավաստիացումներն ընդունում ենք որպես ի գիտություն, սակայն ցանկանում ենք օգտվել այն առիթից, որ արքայազն Չարլզը զբաղվում է բնապահպանական բարեգործությամբ և վարում բնապահպանական գործունեություն, ուստի նրա այցելության ժամանակ փորձելու ենք բոլոր հնարավոր միջոցներով նրան հասանելի դարձնել Ամուլսարի ոսկու հանքի շահագործման հետ կապված բնապահպանական, ինչպես նաև սոցիալական խնդիրները»,- այս մասին նախաձեռնության անդամները տեղեկացրել են ֆեյսբուքում բացված միջոցառման էջում https://www.facebook.com/events/260217164123088/permalink/260966120714859/:
Մի կարևոր նկատառում ևս` Արքայազն Չարլզը Վայրի բնության համաշխարհային կազմակերպության` WWF-ի Մեծ Բրիտանիայի գրասենյակի պատվավոր նախագահն է: Արդյո՞ք նա տեղյակ է, որ իր ընկեր Արմեն Սարգսյանը Լիդիան Ինթերնեշնլի հետ միասին պատրաստվում են Համաշխարհային ֆինանսական կորպորացիայի և Վերակառուցման զարգացման եվրոպական բանկի (ՎԶԵԲ) ֆինասնական աջակցությամբ շահագործել մի հանք, որը հակասում է Հայաստանի բնապահպանական օրենսդրությանը: Արքայազն Չարզլի հովանավորությամբ գործող Վայրի բնության համաշխարհային կազմակերպության՝ WWF-ի հայաստանյան մասնաճյուղի ջանքերով դեռևս 2005-2006թթ. նախագծվել և ՀՀ կառավարության հավանությանն է արժանացել Ջերմուկ ազգային պարկի նախագիծը՝ Ջերմուկ առողջարանային գոտիով, Կեչուտի ջրամբարով, Ամուլսարով հանդերձ, որի հետագա աշխատանքները և վերջնական հաստատումը կասեցվեցին հանքավայրի հետախուզական աշխատանքների և դրա շահագործումը լիցենզավորելու պատճառով: Արդյո՞ք հաճելի է Արքայազնին լսել, որ իրեն Հայաստան հրավիրողներն անարգում են իր բնապահպանական գործունեության գաղափարը և իր հովանավորած կազմակերպության մեկ այլ երկրի գրասենյակի աշխատանքները, որոնց շնորհիվ պետք է պահպանվեն ոչնչացման եզրին հասնող կենդանատեսակներ: Կարծում ենք, որ Արքայազն Չարլզը պարզապես չգիտի, թե ինչով են զբաղվում իրեն հրավիրող Արմեն Սարգսյանը, ինչպես նաև որպես բնապահպան և վայրի բնության պաշտպան չի խրախուսի, որ իր պետության դիվանագիտական ներկայացուցիչները Հայաստանում նույնպես աջակցեն Ամուլսարի շահագործմանը ծրագրին: Որպես վերջաբան հորդորում ենք հայաստանյան հյուրընկալողներին Արքայազն Չարլզին չհրամցնել որսագողությամբ և հանցավոր ճանապարհով ձեռք բերված «էկզոտիկ» կերակրատեսակներ՝ պատրաստված ՀՀ կարմիր գրքում գրանցված կենդանատեսակներից:
WWF-ը, Ամուլսարը ու Արքայազն Չարլզը՝ մեկ խճանկարում:

Լուսանկարները՝ WWF-ի

Այսօր առաջին Հանրապետության օրն է

Narek Mirzoyan -(Jermuk) — Tue, 28 May 2013 07:49:42 +0000

Այսօր Առաջին Հանրապետության օրը: 1918-ի այս օրը վերականգնվեց երկար դարեր խաթարված հայոց պետականությունը. մայիսին Ղարաքիլիսայում, Բաշ-Ապարանում, Սարդարապատում հայկական կանոնավոր ուժերին և կամավորականներին հաջողվեց կենաց-մահու ճակատամարտերում հաղթանակ տանել թուրք հրոսակների դեմ պայքարում և կասեցվեց նրանց առաջխաղացումը:

Մայիսյան հաղթանակով վերականգնվեց հայ ժողովրդի` շուրջ 9 դար առաջ կորցրած անկախությունը: Մայիսի 26-ին լուծարվել էր Անդրկովկասյան Սեյմը, Ադրբեջանն ու Վրաստանն անկախություն էին ստացել, հերթը Հայաստանինն էր, և մայիսին 28-ին Հայոց ազգային խորհուրդը Թիֆլիսում հռչակեց Հայաստանի անկախությունը:

«Անդրկովկասի քաղաքական ամբողջության լուծումով և Վրաստանի ու Ադրբեջանի անկախության հռչակումով ստեղծված նոր կացության հանդեպ` Հայոց ազգային խորհուրդը իրեն հայտարարում է հայկական գավառների գերագույն միակ իշխանությունը: Որոշ ծանրակշիռ պատճառներով թողնելով մոտիկ օրերը կազմել Հայոց ազգային կառավարություն` Ազգային խորհուրդը ժամանակավորապես ստանձնում է կառավարական բոլոր ֆունկցիաները` հայկական գավառների քաղաքական ղեկը վարելու». Այս խոսքերով ձևավորվեց Հայաստանի անկախության հռչակագիրը:

Արդեն հունիսի 4-ին Բաթումում ստորագրվեց հայ-թուրքական հաշտեցման պայմանագիրը, 11 հազար քմ տարածքի վրա ձևավորվեց Հայաստանի Դեմոկրատական Հանրապետությունը:

Հայաստանի առաջին հանրապետությունը կարճ ժամանակում ստեղծեց պետությանը բնորոշ բոլոր ատրիբուտները, ընտրեց խորհրդարան (նախագահ Ավետիք Սահակյան), ձևավորեց կառավարություն (վարչապետ` Հովհաննես Քաջազնունի):
Սակայն Հայաստանի առաջին հանրապետության կյանքը միայն 2 տարի տևեց. 1920թ. դեկտեմբերի 2-ին Հայաստանը բռնազավթվեց բոլշևիկյան 11-րդ կարմիր բանակի կողմից:

1992թ.-ից մայիսի 28-ը պաշտոնապես նշվում է որպես Հանրապետության օր: Այսօր ավանդաբար տոնական միջոցառումներ են տեղի հանրապետության ողջ տարածքով, ինչպես նաև` Արցախում:

http://narek-blog.do.am/news/ayso’r_ar’ajin_hanrapetowt’yan_o’rn_e’/2013-05-28-193

Մարիաննայի ամենամեծ երազանքը ավելի շատ խնդիրներ լուսաբանելն է

Մարիանա Արշակյան — Mon, 06 May 2013 11:38:34 +0000

Նյութի հեղինակ `Արամ Արարատյան http://www.aravot.am/2013/05/01/238146/

Մարիաննա Արշակյան

Մարիանա Արշակյանը 16 տարեկան է: Սովորում է Վայոց Ձորի մարզի Գնդեվազ գյուղի միջնակարգ դպրոցի 11-րդ դասարանում: Մասնագիտության հարցում նա արդեն կողմնորոշվել է: Ցանկանում է լրագրող դառնալ: Ընտրել է լրագրությունը, որովհետև, ինչպես ինքն է ասում` ուզում է բացահայտել այն ամենը, ինչի մասին մարդիկ չգիտեն և այդ ամենը հանրությանը ցույց տալ: Նա թղթակցում է հայաստանյան որոշ լրատվական կայքերին: Սեփական բլոգ ունեցել է, սակայն մի օր տեղադրված նյութերը ջնջվել են, իսկ աղջիկն էլ փակել է այն. «Բլոգս բացեցի 2011 թվականի մայիսին: Էկո բլոգ էր: Այնտեղ գրում էի ոչ միայն բնապահպանական, այլ նաեւ տարբեր տեսակի նյութեր: Վայոց Ձորի մարզում տեղի ունեցած բոլոր իրադարձությունները նույնպես դնում էի բլոգում: Նյութեր վերցնում էի նաև ուրիշ կայքերից, բայց` հղումով:» Աղջիկը կարծում է, որ բլոգեր լինելու համար պարտադիր չէ լրագրող լինել, քանի որ նշված առաջինը այն մարդն է, ով գրում է իր կարծիքը, ինչ -որ իրադարձության մասին, իրեն հուզող մտքերը: Մարիանան շատ է մասնակցել լրագրողական և բնապահպանական սեմինարների: Ասում է` լրագրողական գիտելիքներ ստացել է հենց այդ սեմինարներից: Սկսնակ լրագրողը ցանկանում է բնապահպանական ոլորտում եղած խնդիրները լուսաբանել. «Մասնակցելով Էկոլուր ՀԿ-ի կողմից կազմակեպված քննարկմանը առաջին անգամ Գնդեվազ գյուղում սկսեցի ավելի շատ բնապահպանությամբ հետարքրքրվել: Ինձ համար Էկոլուրի բլոգում էջ բացեցին, որտեղ ես պետք է գրեի մեր մարզի բնապահպանական խնդիրների մասին: Սկսեցի ավելի շատ ուսումնասիրել և տարբեր մարդկանց հետ խոսեցի: Ինձ համար գնալով այս թեման ավելի հետաքրքիր էր դառնում: Թեղուտի անտառի մասին լսել էի, բայց չէի պատկերացնում, թե ինչ կլինի անտառը վերջնական հատելուց հետո: Միացա «Փրկենք Թեղուտը» խմբին: Հենց այդ ժամանակահատվածում իմացա, որ մեր գյուղից 9 կմ հեռավորության վրա պատրաստվում են շահագործել Ամուլսարի ոսկու հանքավայրը և ես սկսեցի ավելի լրջորեն ուսումնասիրել և գրել»: Որպես ապագա լրագրող, Մարիանան երազում է, որ ինչպես բոլոր լրագրողները, ինքը եւս մի օր ունենա տեսախցիկ, ու ավելի շատ խնդիրներ լուսաբանի: «Ամենալուրջ հաջողությունս եղավ 2012 թվականի հոկտեմբերին, երբ մասնակցեցի Փինք Արմենիա Հանրային Տեղեկատվության եւ գիտելիքի կարիք հասարակական կազմակերպության կողմից կազմակեպված երկօրյա դասընթացին ` Վայոց Ձորի մարզի Վայք քաղաքում: Ստացա վկայական»,- ասում է Մարիանան:

Նյութը նաև այստեղ http://econews.am/hy/?p=13515

Գնդեվազում բացվեց Ամուլսար ինֆորմացիոն կենտրոնը ( Լուսանկարներ և տեսանյութ)

Մարիանա Արշակյան — Tue, 09 Apr 2013 14:38:24 +0000

Այսօր Գնդեվազ գյուղում Գեոթիմ ընկերության աջակցությամբ բացվեց Ամուլսար ինֆորմացիոն կենտրոնը :Կենտրոնի նպատակն է հանրությանը տեղյակ պահել Գեոթիմ ընկերության կողմից իրականացվող բոլոր միջոցառումների,ծրագրերի մասին ` կապված Ամուլսարի ոսկու հանքավայրի հետ:Բացման արարողությանը մասնակցում էին Գեոթիմ ընկերության ներկայացուցիչները ,գյուղի բնակիչները ,ինչպես նաև Գալա հեռուստաընկերության լրագրողը:Ելույթ ունեցավ նաև Գեոթիմ պարային համույթը ,որը արդեն երկու տարի ելույթ է ունենում տարբեր վայրերում և ներկայացնում է Գնդեվազ գյուղը :Գեոթիմ ընկերությունը պատրաստ է համագործակցել բոլոր համայնքների հետ :Ամուլսարի ինֆորմացիոն կենտրոն կարող են այցելել բոլորը և իրենց հուզող յուրաքանչյուր հարցի պատասխանը կարող են ստանալ հենց կենտրոնում: Կենտրոնը հանդիսանալու է Գնդեվազ,Ջերմուկ,Գորայք,Սարավան համայնքների տեղեկատվական աղբյուր:
Ինֆորմացիոն կենտրոնը ապահովված է կոմունալ բարձրակարգ հարմարություններով:Կա <<Գեոթիմ >> ընկերության արկղ,որտեղ գցվում է բոլոր առաջարկները:

http://http://www.youtube.com/watch?v=3DFVRV4SsXc&feature=player_embedded Հեղինակ ` Մարիանա Արշակյան

ԸՆԴԱՌԱՋ ՋՐԻ ՀԱՄԱՇԽԱՐՀԱՅԻՆ ՕՐՎԱՆ

Geological museum ecoclub — Wed, 20 Mar 2013 12:28:03 +0000

Մարտի 22-ին Հ.Կարապետյանի անվան երկրաբանական թանգարանը պատրաստվում է ՄԱԿ-ի կողմից հայտարարված Ջրի միջազգային օրվան՝ <<Ջրային համագործակցություն>>խորագրով: Միջոցառման կազմակերպիչներն են՝ ՀՀ ԳԱԱ Երկրաբանական գիտությունների ինստիտուտ, Հ.Կարապետյանի անվան երկրաբանական թանգարան, Էկոլոգիական խումբ <<Ակվամարին>> (ԷԿԱ) ՀԿ-ն:

Միջոցառման ծրագիրը կներառի՝

Բացման խոսք (Գայանե Գրիգորյան՝ Երկրաբանական թանգարանի վարիչ)
Զեկույցներ՝

ա) ՀՀ-ում ջրային ռեսուրսների օգտագործման և պահպանման հիմնախնդիրները և հեռանկարները (զեկույցող՝ Մարինե Նալբանդյան՝ կ.գ.թ., ԵԳԻ-ի ավագ գիտաշխատող)

բ) ՀՀ ստորերկրյա ջրերը (զեկուցող՝ Հարություն Երեմյան, <<Հիդրոերկրաբանական մոնիթորինգի կենտրոն>> ՊՈԱԿ-ի գլխավոր մասնագետ)

գ) ՀՀ հանքային ջրերը (զեկուցող՝ Արմինե Հակոբյան, <<Հիդրոերկրաբանական մոնիթորինգի կենտրոն>> ՊՈԱԿ-ի առաջատար մասնագետ)

3. <> անսամբլի ելույթ՝ ջրային թեմատիկայով, խմբավար՝ Ա.Բարխուդարյան

4. Փոքրիկ բեմականացումներ <<Հանքային ջրերի գաղտնիքը>> թեմայով՝ թանգարանի <<Էկոակումբի>> անդամների և դպրոցականների մեկնաբանությամբ

5. <<Ինպես ենք օգտագործում ջուրը>>՝ դիդակտիկ նյութեր երեխաների աչքերով

6. Շրջայց թանգարանում

Օգնենք փոքրիկ Անգելինա Միրզոյանին

Narek Mirzoyan -(Jermuk) — Fri, 15 Mar 2013 19:50:29 +0000

Անգելինան 1.5 ամսական էր, երբ առաջին անգամ հայտնվեց հիվանդանոցում։ Նորածինն անվերջ լաց էր լինում եւ անհանգստացած ծնողները նրան տարան հիվանդանոց։ Բժիշկները հայտնաբերեցին, որ երեխայի ուղեղում առկա է արյունազեղում, ինչն, ամենայն հավանականությամբ, ծնունդն ընդունող բուժկոլեկտիվի սխալների արդյունքում ստացված տրավմա էր։
Մեծ դժվարությամբ բժիշկներին հաջողվեց կանգնեցնել արյունազեղումը, բայց միեւնույն է Անգելինայի գլխուղեղի աջ կիսագնդում առաջացավ կիստոզ գլիոզ գոյացություն։

4 տարիների ընթացքում կիստան մեծացել է 6 մմ-ով, 2 կիսագնդերը բաժանող գիծն էլ է շեղվել է 6 մմ-ով։ Անգելինայի մոտ առկա է զուգամիտվող շլություն, որի արդյունքում նա կորցնում է տեսողությունը։ Առկա է նաեւ ձախակողմյան վերին վերջույթի թուլություն։
Անգելինային անհրաժեշտ է շտապ վիրահատություն, այլապես նա կկորցնի ոչ միայն տեսողությունը… Վիրահատության համար պետք է 17 000 ԱՄՆ դոլար:
Անգելինան ունի նաեւ վերականգնողական երկարատեւ բուժման կարիք` թե հիմա եւ թե վիրահատությունից հետո։
Վերականգնողական բուժումը ներառում է հատուկ մանկավարժ, հոգեբան եւ կինեզիոլոգ։
Անգելինային աջակցողները միավորված են հետևյալ ֆեյսբուքյան էջում։http://www.facebook.com/pages/Օգնենք-Փոքրիկ-Անգելինային/163485073803669

Դուք կարող եք օգնել փոքրիկ Անգելինային` գումար փոխանցելով հետեւյալ հաշվեհամարին.
006-049472-001 (HSBC Բանկ Հայաստան)` դրամային հաշիվ:
Անգելինայի ծնողների հեռախոսահամարներն են. 055 422020 – Արտակ, 096 702520 – Գոհար։

http://narek-blog.do.am/news/o_39_gnenq_p_39_oqrik_angelina_mirzoyanin/2013-03-15-55

Ջերմուկում ավարտվեց “Ձնեմարդուկ” փառատոնը

Մարիանա Արշակյան — Tue, 12 Mar 2013 15:55:41 +0000

<< Ջերմուկի Զարգացման Կենտրոն >> ՀԿ-ի ջանքերով մարտի 8-ից մինչև մարտի 10-ը Ջերմուկ քաղաքում կազմակեպվել էր <<Ձնեմարդուկ>> ամենամյա փառատոնը: Փառատոնին մասնակցելու համար Երևանից եկել էր նաև strikeball-ի ֆեդերացիան և slackline-ի թիմը: Մինչև կեսօր արդեն հայտնվեցին տարբեր ու շատ գեղեցիկ քանդանկներ ` արջերն ու դելֆինները,Տիգրան Մեծն ու լվացքի մեքենան,ուղտն ու եկեղեցին ,ամրոցն ու կիփառը ,Հիսուսն ու սրտիկները : Քանդակների կողքին իր ուրույն տեղն էր գրավում ձնե էֆելյան աշտարակը: Հենց այս քանդակն էլ ճանաչվեց շատ գեղեցիկ քանդակ եւ հաղթեց : Սահմանված էր երեք մրցանակային տեղ: <<Ձնեմարդուկ >> փառատոնի երեք խմբերը ստացան առաջին մրցանակային տեղի համար նախատեսված մրցանակը ` եռօրյա հանգիստ Ծաղկաձորում: Ծաղկաձոր կգնան 9 հոգի:

Հեղինակ ` Մարիանա Արշակյան

Ջերմուկում ավարտվեց Ձնեմարդուկ ամենամյա փառատոնը

Narek Mirzoyan -(Jermuk) — Tue, 12 Mar 2013 05:23:37 +0000

Արդեն երկրորդ անգամ գարնան առաջին ամսվա առաջին կեսին Ջերմուկի զարգացման կենտրոնը կազմակերպում է <<Ձնեմարդուկ>> ամենամյա ձմեռային փառատոնը: Մարտի 8-ին մեկնարկեց փառատոնը, որին մասնակցում էին տեղի երիտասարդները, ինչպես նաև քաղաքի բնակիչներ և զբոսաշրջիկներ: Մեծ ոգեվորությամբ ու բարձր տրամադրությամբ երիտասարդները սկսեցին քանդակել ձնե քանդակները մինցև ուշ երեկո: Փառատոնի վերջին օրը` մարտի 10-ին, սկսվեց բոլորիս կողմից շատ սպասվաց ձնե քանդակների գնահատման պահը: Իսկ լավագույն ձնե քանդակներ ճանաչվեցին “Փարիզի Էյֆելյան աշտարակ”, “Արջուկներ” և “Դելֆին” քանդակները: Թիմերը շահեցին 3 օրյա հանգստի տոմսեր դեպի Ծաղկաձոր:

Հեղինակ` Նարեկ Միրզոյան

Ինչպես կեղծվեցին ընտրությունները, մաս առաջին – Գեղարքունիքի մարզ

Ecolur — Mon, 04 Mar 2013 06:49:42 +0000

Լևոն Գալստյան, ՀՀ քաղաքացի

ՀՀ քաղաքացիների գերակշիռ մեծամասնությունը փետրվարի 18-ին մեկ անգամ ևս համոզվեց, որ ընտրությունների միջոցով մեր երկրում առայժմ հնարավոր չէ փոփոխությունների հասնել: Բոլորիս պարզ է, որ 2013 թ. նախագահական ընտրությունների ընթացքում համատարած օգտագործվել է վարչական ռեսուրսը, իսկ ընտրությունների արդյունքները լկտիաբար կեղծվել են: Այս ենթատեքստում շատ հետաքրքիր էր Գեղարքունիքի մարզպետ Ռաֆիկ Գրիգորյանի անկեղծացումը փետրվարի 25-ին մարզպետարանում անցկացված հերթական աշխատանքային խորհրդակցության ժամանակ, որը հրապարակվել էր մարզպետարանի պաշտոնական կայքում: Այնտեղ մասնավորապես նշված էր հետևյալը՝ մեջբերում. «Խորհրդակցության ընթացքում Գեղարքունիքի մարզպետը խոսել է նաև փետրվարի 18-ին հանրապետությունում կայացած ՀՀ նախագահական ընտրությունների մասին, մասնավորապես անդրադառնալով արզում ՀՀ նախագահ, նախագահի թեկնածու Սերժ Սարգսյանին տված բարձր քվեներին: Ռաֆիկ Գրիգորյանը շնորհակալություն է հայտնել մարզպետարանի աշխատակազմին, մարզի համայնքների, հիմնարկ ձեռնարկությունների ղեկավարներին և այլոց, ովքեր աշխատել և ճիշտ կողմնորոշում են ցուցաբերել ընտրությունների ընթացքում՝ ապահովելով նման ցուցանիշ»: Այս հրապարակումը փաստորեն կարելի է համարել հաղորդում հանցագործության մասին՝ այն էլ խմբակային հանցագործության:

Սակայն փետրվարի 28-ին, այդ հրապարակումը արդեն հանված էր մարզպետարանի կայքից (ամեն դեպքում ես հասցրել էի անել էլեկտրոնային կրկնօրինակը, որը ներկայացնում եմ կից նամակով), իսկ Գեղարքունիքի մարզպետարանի աշխատակազմը հանդես եկավ պարզաբանումով այդ կապակցությամբ, որտեղ մասնավորապես նշված է՝ մեջբերում. «Սակայն մարզպետարանի աշխատակազմի տեղեկատվության և հասարակայնության հետ կապերի բաժնի կողմից սխալ է ներկայացվել Գեղարքունիքի մարզպետ Ռաֆիկ Գրիգորյանի կողմից անցկացրած խորհրդակցության բովանդակությունը, որի համար էլ ստորաբաժանման աշխատակիցը ենթարկվել է կարգապահական տույժի՝ (խիստ նկատողություն)»: Պարզաբանման ամբողջական տեքստին կարող եք ծանոթանալ այս հղումով. http://gegharkunik.gov.am/news/item/2013/02/28/tuysh/

Ցավոք սրտի Գեղարքունիքի (և ոչ միայն) մարզպետարանում դեռևս չեն հասկացել, որ փաստերն ու թվերն անողոք են, և դրանցից ոչ մի տեղ չես կարող փախչել, կամ էլ ինչ որ ձև պարզաբանել:

Անցնենք թվերին: Գեղարքունիքի մարզում ընտրություններին մասնակցել են ընտրողների 69,12%-ը կամ 128 881 ընտրող, որոնց 78,23%-ը՝ այսինքն 100 833-ը, իրենց ձայնը տվել են Սերժ Սարգսյանին: Մարզպետարանի կայքի հրապարակումից հասկանալի է, թե ինչպես են ապահովվել հանրապետական միջինից մոտ 10% ավելի մասնակցությունն ու Սերժ Սարգսյանին տրված ձայների հանրապետական միջինից (58.64%) մոտ 20%-ով ավելի ձայները, չնայած առանց այդ էլ բոլորը լավ հասկանում են, թե այդ ամենը ինչպես է իրականացվել: Ստորև ներկայացված աղյուսակի տվյալներից ակնհայտ է դառնում, թե ինչպես են «նկարվել» թվերը Գեղարքունիքի մարզի բազմաթիվ համայնքներում: Մինչև 200 ընտրող ունեցող համայնքների տվյալները չեմ ընդգրկել աղյուսակում, քանի որ այդ բոլոր համայնքներում Սերժ Սարգսյանը հավաքել է 100 %-ին մոտ ձայներ (տվյալները վերցված են ԿԸՀ-ի պաշտոնական կայքից).

Համայնքը	Մասնակիցների քանակը և տոկոսը	Ս. Սարգսյանի հավաքած ձայների քանակը և տոկոսը
Ճամբարակ	4798 – 85,9 %	4539 – 94,6 %
Վարդենիս	7063 – 70,2 %	5874 – 83,2 %
Ախպրաձոր	172 – 77,1 %	160 – 93,1 %
Աղբերք	202 – 93,9 %	199 – 98,5 %
Այգուտ	515 – 77,9 %	502 – 97,5 %
Աստղաձոր	2184 – 75,3 %	1740 – 79,7 %
Ավազան	135 – 78,1 %	131 – 97,1 %
Արծվանիստ	1525 – 71,6 %	1226 – 80,4 %
Արտանիշ	413 – 95,2 %	410 – 99,3 %
Արփունք	292 – 86,4 %	273 – 93,5 %
Գանձակ	2368 – 70,9 %	2160 – 91,2 %
Գեղամասար	633 – 86,2 %	567 – 89,6 %
Գեղամավան	967 – 73,4 %	912 – 94,3 %
Դպրաբակ	325 – 81,3 %	309 – 95,1 %
Դրախտիկ	659 – 92,8 %	626 – 95 %
Երանոս	2160 – 58,5 %	1917 – 88,7 %
Զոլաքար	3458 – 72,1 %	2916 – 84,3 %
Ծովասար	1336 – 69,1 %	1174 – 87,9 %
Թթուջուր	628 – 77,6 %	561 – 89,3 %
Լանջաղբյուր	1390 – 78,6 %	1287 – 92,6 %
Ծակքար	1235 – 63,4 %	1010 – 81,8 %
Ծովագյուղ	2336 – 78,6 %	1897 – 81,2 %
Ծովակ	1513 – 77,7 %	1472 – 97,3 %
Ծովինար	2340 – 70,5 %	2045 – 87,4 %
Կարճաղբյուր	1532 – 83,6 %	1480 – 96,6 %
Կարմիրգյուղ	3189 – 71,6 %	2770 – 86,9 %
Կութ	1281 – 98,9 %	1268 – 98,9 %
Ձորագյուղ	2387 – 76,8 %	2211 – 92,6 %
Նորատուս	2855 – 63,2 %	2413 – 84,5 %
Շորժա	367 – 90,6 %	343 – 93,5 %
Սարուխան	3926 – 66 %	2945 – 75 %
Սոթք	1189 – 82,4 %	1118 – 94 %
Վահան	777 – 91,4 %	742 – 95,5 %
Վարդաձոր	1381 – 73,7 %	1311 – 94,9 %
Վարդենիկ	4557 – 72,9 %	4056 – 89 %
Վարսեր	979 – 73,2 %	933 – 95,3 %
Փոքր Մասրիկ	385 – 71,7 %	341 – 88,6 %

Ինձ թևում է մեկնաբանություններն ավելորդ են, և դպրոցում միայն թվաբանություն սովորած մարդուն նույնիսկ պարզ է, թե ինչ է կատարվել այս համայնքներում: Չնայած կարող է գործող նախագահի նկատմամբ տածած անսահման սերն է ստիպել Հայաստանում աղքատության մակարդակով երկրորդը համարվող մարզի բնակիչներին այսպիսի «ընտրություն» կատարել: Եզրակացությունները թողնում եմ միջազգային դիտորդներին, կարկառուն ՀՀԿ-ականներին և իրավապահ մարմիններին: Մյուս մարզերին կանրադառնամ հաջորդ դիտարկման մեջ: