Վերաբացահայտում ենք բնության եւ տուրիզմի բացառիկ հրաշքները (Լուսանկարներ)

Armenian Extreme Club-ի անունից հպարտությամբ ձեզ ենք ներկայացնում ևս երկու ստորգետնյա հրաշքներ: <<Կարմիր>> և <<Կիկլոպի>> քարանձավները գտնվում են Եղեգնաձորի մարզում, Մոզրով և Գնիշիկ գյուղերին հարող տարածքում հսկա <<Քարե կրկես>> կոչվող անկրկնելի գեղեցկության կրաքարե ժայռային գոյացությունների մեջ: Քարանձավները իրենցից ներկայացնում են ՀՀ հերթական չօգտագործված պոտենցիալ արկածային և էքստրեմալ տուրիզմի ոլորտում: Սակայն հաշվի առնելով այն փաստը, որ մեր հասարակությունը դեռ պատրաստ չէ նման վայրերը ճիշտ օգտագործելուն, և ամենայն հավանականությամբ դրանք կդառնան հերթական խորոված ուտելու տեղ, ցանկալի ենք համարում քարանձավների տեղի և օգտագործման մասին չափից ավել չբարձրաձայնել: Ամեն դեպքում տեղյակ եղեք նման գեղեցկությունների գոյության մասին և հպարտացեք մեր հայրենիքի անկրկնելի բնության գեղեցկությամբ: Տվյալ տարածքում է գտնվում նաև <<Անահիտի>> քարանձավը, որի մասին մանրամասն կներկայացնենք հաջորդող հոդվածներում:

Քարանձավները կարստային են, ներսում կարող եք տեսնել բազմաթիվ գեղեցիկ գոյացություններ` շիթաքարեր, կաթիլաքարեր, որոնք «Կարմիրում» բացարձակապես (more…)

Ջերմուկի քաղաքապետի բաց նամակը

Հարգելի  «Գեոթիմ» ընկերություն,  կոչ ենք անում Ջերմուկ քաղաքում առկա խնդիրները շահարկելու փոխարեն,  չշեղել հասարակության ուշադրությունը հաքնարդյունաբերության հետևանքով շրջակա միջավայրին և ՀՀ բնակչությանը հասցվող վնասներից,  զբաղվել  սեփական գործունեությունից բխող ռիսկերի պարզաբանմամբ պատասխանել  ժողովրդի անհանգստությանն ու փորձագետների անպատասխան հարցերին:

Ջերմուկի քաղաքապետարանն այս էլ քանի տարի է ակտիվ գործողություն է իրականացնում տուրիզմի և ենթակառուցվածքների զարգացման,  ներդրումների ակտիվացման ոլորտում:
Վերջին 5 տարիներիների ընթացքում քաղաքում կատարվել են շուրջ 4 մլրդ (more…)

Հունիսի 5. Բնապահպանի օր

Լուսանկարում` Թեղուտի անտառներն են:
Լուսանկարը` http://antarner.files.wordpress.com

Սիրելի՛ բարեկամներ, շնորհավորում եմ բոլորիս Բնապահպանի օրվա առթիվ: Նախ, մի փոքր տոնի մասին. 1972 թ. ՄԱԿ-ի կողմից հունիսի 5-ը ընդունվել է որպես Շրջակա միջավայրի պահպանության համաշխարհային օր, իսկ ՀՀ Կառավարության կողմից 2004 թ. հունիսի 3-ի որոշմամբ Հայաստանում այն նշվում է որպես Բնապահպանի օր:

Սակայն ես ուզում եմ տոնը դիտարկել ավելի խորքային առումով: Իմ կարծիքով` սա մի տոն է, որի անհրաժեշտության, կարևորության ու խորհրդի գիտակցումը վաղուց պետք է ձևավորվեր մեզանում ու արմատավորվեր: Ոչ միայն տոնը շնորհավորելու, այլև դրա նշանակությունը, բուն իմաստը վերհանելու և նրանում առկա «մեսիջը» խորապես ընկալելու մեջ է մեր հետագա հաջողությունների, ավելի զարգացած, ավելի քաղաքակիրթ, բարի ու ազնիվ հասարակություն ունենալու գրավականը: Լավ է, որ վերջին շրջանում խիստ դրական միտումներ են նկատվում, կա զգալի առաջընթաց, հուսադրող իրողություններ են արձանագրվել: Բանն այն է, որ եկել է նոր սերունդ, որը բնապահպան է ոչ թե շահադիտական նկրտումներով, ձևականորեն և կամ այն բանի համար, որ բնապահպան լինելը նորաձև է, այլ որովհետև էությամբ է այդպիսին` բնություն սիրող, խնամող, պահպանող, բնության համար ցավեցող: (more…)

Ակտիվիստներին մրցանակ շնորհվեց

Համընդհանուր իրավունքների մրցանակը այս տարի տրվել է նաև բնապահպանական քաղաքացիական նախաձեռնության՝ ի դեմս Մաշտոցի պուրակի քաղաքացիական շարժմանը և «Պաշտպանենք Թռչկանի ջրվեժը» նախաձեռնությանը:
Մրցանակը տրվել է Հայաստանում ԱՄՆ դեսպանատան, Եվրոպական Միության ներկայացուցչությանը, ԵԱՀԿ-ի, Մեծ Բրիտանիայի դեսպանատան, Counterpart International-ի կողմից: Բնապահպանական ակտիվիստների մրցանակը հանձնել է ԵՄ ներկայացուցիչը:
2012թ. Մարդու իրավունքների պաշտպանության համար ամենամյա մրցանակը տրվել է բնապահպանական ակտիվիստներին: Մրցանակը տրվել է Հայաստանում ԱՄՆ դեսպանատան, Մեծ Բրիտանիայի դեսպանատան, ԵԱՀԿ-ի, Եվրոպական միության կողմից: Ստորև ներկայացնում ենք այդ կապակցությամբ ակտիվիստների ելույթը:
Մեծարգո տիկին պետքարտուղար, դիվանագիտական առաքելությունների ներկայացուցիչներ, հարգելի հյուրեր, տիկնայք ու պարոնայք,
(more…)

Բնության հաշվեհարդար

Բնության հաշվեհարդար ֆիլմը պատմում է հանքարդյունաբերությունից տուժած մարդկային ճակատագրերի, բնապահպանական նորմերը խախտած մի շարք դեպքերի, պետական քաղաքականության բացակայության, օրենսդրական բացերի, մի շարք հիվանդությունների, դրանք բուժելու խնդիրների և գյուղացիների ֆինանսական վիճակի մասին:
Մի շարք գյուղացիներ պատմում են իրենց խնդիրների մասին: Խնդիրներ, որոնք մնում են հեռու գյուղական վայրերում և քողարկվում անտարբերության, անպատասխանատու քաղաքականության քողի ներքո:Մի շարք փորձագետներ Արմեն Սաղաթելյանը, Վլադիմիր Կոգանը, Վիգեն Թոպուզյանը, Սիլվա Ադամյանը, Աիդա Պետիկյանը, Ռազմիկ Միխիթարյանը, Նշան Գրիգորյանը և ուրիշներ պարզաբանում են այս խնդիրների բուն արմատները, լուծման եղանակները և փորձ են անում ձեռք մեկնել հուսահատված գյողացուն` դուրս գալ այն փոսից, որտեղ նա հայտնվել է, երևի թե, ոչ իր կամքով:
Ֆիլմը ստեղծվել է “Թեղուտի պաշտպանության նախաձեռնութան” համընդհանուր ջանքերի շնորհիվ: Ֆիլմի կայացման գործում մեծ ներդրում են ունեցել ինչպես բոլոր փորձագետները, այնպես էլ տեխնիկական աջակցություն են ցուցաբերել
Էկոլուր ՀԿ-ն, Սարդարապատ շարժումը և Ճաղարյան ընտանիքը: Շնորհակալություն ենք հայտնում բոլոր նրանց, ովքեր իրենց խորհդատվությունն են ցուցաբերել և աջակցել ֆիլմի կայացմանը:Սակայն ամենամեծ ներդրումն ունեցել են ֆիլմի հերոսները, ովքեր համարձակություն են գտել իրենց մեջ բարձրաձայնել այնպիսի խնդիրների մասին, ինչպիսին իրենց իսկ առողջությունն է: Այն զոհ է դարձել ”ՀԱՆՐԱՅԻՆ” ԳԵՐԱԿԱ ՇԱՀԻՆ: Այսուհետ գերակա է ՄԱՐԴԸ և ՆՐԱ ԱՌՈՂՋՈՒԹՅՈՒՆԸ:


Մենք պահանջում ենք նոր հետազոտություններ և բուժում բոլոր նրանց համար, ովքեր տուժել են բնապահպանական նորմերը խախտած կազմակերպությունների անպատասխանատու քաղաքականությունից:

Հեղինակ և ռեժիսոր` Թեհմինե Ենոքյան
Հարգանքներով` ֆիլմի ստեղծագործական խումբ

 

Ֆիլմի շնորհանդես Մաշտոցի պուրակում

Թեղուտի պաշտպանության նախաձեռնությունը ներկայացնում է «Բնության հաշվեհարդար» ֆիլմը: Ֆիլմն ամբողջությամբ կցուցադրվի և մամուլի ուշադրությանը կներկայացվի Մաշտոցի պուրակում մայիսի 25-ին՝ ժամը 20.30-ին:

Այն պատմում է հանքարդյունաբերությունից տուժած մարդկային ճակատագրերի, բնապահպանական նորմերը խախտած մի շարք դեպքերի, պետական քաղաքականության բացակայության, օրենսդրական բացերի, մի շարք հիվանդությունների և դրանք բուժելու խնդիրների, գյուղացիների ֆինանսական վիճակի մասին: Հաջորդը կարող ես լինել դու…Կանխիր աղետը, փոխիր կարծրատիպերը, պաշտպանիր առողջ միջավայրում ապրելու քո իրավունքը:

Ջերմուկը ազգային պարկ է դառնալու

Ամուլսարի ոսկու  հանքի հնարավոր շահագործման աշխատանքային քննարկումը ընդգրկել էր  ծավալուն թեմա`այն է` կենսաբազմազանության ուսումնասիրություն: Առկա են բազմաթիվ բացեր և իրավական դաշտում և Գեոթիմի կողմից արված հետազոտություններում: Փորձագետների մի մասը պնդում է, որ այդ տարածքում կան մուֆլոններ և բեզոարյան այծեր, մյուս կողմը` չի տեսել կամ տեղյակ չէ այդ կենդանիների միգրացիոն ուղիների և առահասարակ գոյության մասին:  Քննարկմանը ներկա էին կենդանաբաններ, բուսաբաննե, իրավաբաններ, քաղաքացիական ակտիվիստներ, հասարակական կազմակերպության ներկայացուցիչներ, ներկա չէր Բնապահպանության նախարարության որևէ ներկայացուցիչ: Գեոթիմ ՓԲԸ-ին ուղղված  “Ջերմուկի զարգացման կենտրոն”  ՀԿ-ի երիտասարդների պաշտոնական պատշաճ հրավերը այս անգամ էլ է մերժվել: Շատ հարցեր մնացին անպատասխան, հարցերի մեծամասնությունը ուղղված էր հանքի շահագործման լիցենզիային, այս պահին Ամուլսարում տեղի ունեցող գործողություններին, Ջերմուկ առողջարանային քաղաքի ազդակիր  համայնքների շարքին դասելուն և ջերմուկցու կարծիքի հետ հաշվի առնելուն: Այս և մնացած հարցերի շուրջ մանսագետների բանավեճը կարող եք դիտել տեսանյութում:

Թեհմինե Ենոքյան

Օլիգարխիայի թաղում

ՀՀ ինքնորոշված քաղաքացին այսօր թաղեց օլիգարխին: Առավոտյան հանգուցյալի դին դրված էր Մաշտոցի այգում, անուհետև հուղարկավորության թափորը ուղևորվեց Օպերա, Հյուսիսային պողոտա, ՀՀ հրապարակ, կանգ առան ՀՀ գլխավոր դատախազության շենքի առջև: Այնուհետև մարդկանց հոծ բազմությունը ուղևորվեց դեպի հարկայինի շենք: Այժմ օլիգարխի դին գտնվում է Մաշտոցի պուրակում: Ցանկացողները կարող են գնալ և հրաժեշտ տալ: Մանրամասները` տեսանյութում:

Հեղինակ` Թեհմինե Ենոքյան

Մոզրովի քարանձավում փլուզումներ են գրանցվել

Անտերությունից փլուզվել է Վայոց Ձորի  մարզում գտնվող Մոզրովի քարանձավը:Այդ մասին  facebook.com  սոցիալական ցանցում    ահազանգեցին մի շարք  ակտիվիստներ:Բնապահպան ` ակտիվիստ  «Հայկական էքստրիմ ակումբ»-ի նախագահ Գոռ Հովհաննիսյանը  մեզ հետ զրույցոմ  բացատրեց Մոզրովի քարանձավի ներկայիս վիճակը:Նրա խոսքով  քարանձավը գտնվում է  վերջնական բարձիթողի վիճակում,ավելի վատ  լինել չէր կարող :Մեջից  ահագին աղբ ենք հանել:  Առաջին սենյակում` նախամուտքում, փլուզումները միանգամից աչքի էին ընկնում:
Մուտքի սենյակում ամեն ինչ ավելի սարսափելի էր` առաստաղը ճաքճքած էր և կարող էր ամեն վայրկյան թափվել ներքև:
Առաջին դահլիճում` ջրվեժների սրահում, փլուզումների հետևանքով ահագին փոշի էր ներթափանցել:
Դուրս գալուց հանդիպեցինք այն մարդկանց, ում մշակույթի նախարարությունը ԶԼՄ-ում ներկայացրել էր որպես ներկայացուցիչ: Նրանք այցելել էին ոչ թե քարանձավին, այլ հենց նրա մուտքին   քանի որ, ֆիզիկապես   ի վիճակի  չէին  ներքև   իջնելու  և ոչ էլ պատրաստվում  էին:Ուղղակի  կանգնել  և ներքև  էին  նայում:Խնդրեցինք   նրանց օգնել  մեզ հետագա  (more…)