Հայկական ծիրանը պարունակում է ահռելի քանակությամբ նիտրիտներ, ահազանգում են դպրոցականները

DSCN2320-min DSCN2346-min DSCN2348-min

Հայկական ծիրանը պարունակում է ահռելի քանակությամբ նիտրիտներ:

Գեղարքունիք համայնքում գործող «Աժդահակ» էկոակումբը զբաղվում է էկոլոգիական խնդիրների ուսումնասիրությամբ, վերհանմամբ և հնարավորության դեպքում դրանց լուծմամբ: Էկոլոգիական կարևորագույն խնդիր է մրգերում և բանջարեղեններում ոչ թույլատրելի նյութերի, մասնավորապես՝ նիտրիտների պարունակությունը: Այդ, ոչ ցանկալի նյութի պարունակությունը որոշելու նպատակով «Աժդահակ» էկոակումբում օգտագործվում է հատուկ սարք, որը տրամադրել է Օքսֆամ հայաստանյան գրասենյակը՝ «Պարենային անվտանգության և սնուցման մարտահրավերները Հայաստանում» մեդիամրցույթում երկրորդ տեղ զբաղեցնելու առիթով: Ամեն անգամ երեխաները չափում են տարբեր մթերքներում նիտրիտների պարունակությունը և ուրախանում, երբ այն թույլատրելի նորմայի մեջ է:

Սակայն պատկերն այլ էր մեր հայկական մրգի թագուհու՝ ծիրանի մոտ 60 մգ/կգ թույլատրելի նորմայի փոխարեն ստուգված ծիրանները պարունակում են 75-110մգ/կգ և ավել քանակությամբ նիտրիտներ, որը խիստ մտահոգվելու առիթ է հանդիսանում: Միրգ, որը խորհրդանշում է Հայաստանը, որի մասին բոլորս հպարտությամբ ենք խոսում, այսօր դարձել է  քողարկված «չարիք» հայաստանցիների համար: Բոլորին մտահոգում է ծիրանը պատվով Հայաստանի սահմաններից դուրս ներկայացնելը, առանց մտահոգվելու նրա բաղադրությամբ և մեր ազգաբնակչության առողջությամբ: Միգուցե արտադրողը` ինքն, էլ չի պատկերացնում, թե այդ գեղեցիկ արտաքինով միրգը ինչի է վերածվում այդքան թունաքիմիկատ օգտագործելու արդյունքում:

Դպրոցականներինշատ մտահոգեց այն հարցը, թե ինչ կլինի այն մարդկանց հետ, ովքեր միրգը ուտում են բուժական նպատակով և մեծ չափաբաժիններով՝ ընտրելով առողջ ծիրանները, որոնց մեջ նիտրիտների պարունակությունը ավելի շատ է: Չէ որ նման միրգը երկարատև օգտագործելու արդյունքում մարդկանց մոտ առաջանում են անբուժելի և շատ ծանր ընթացք ունեցող հիվանդություններ:

Ծիրան աճեցնողները բացատրեցին, որ ծիրանի ապրանքային տեսքը ապահովվում է մշակման ողջ շրջանում թունավոր նյութերով ծառերը մշակելու հաշվին, հակառակ դեպքում ծիրանը պատված կլինի վնասատուներով և կետիկներով, ինչի արդյունքում կնվազի մրգի պահանջարկը և արժեքը: Այնպես, որ գնորդներին խորհուրդ ենք տալիս գնել հենց այդպիսի ծիրան, որը աստիճանաբար անհետացման եզրինէ՝ հոգատար և ջանասեր այգեգործի շնորհիվ:

Էկոակումբի անդամները՝ շրջակա միջավայրի պահպանման անխոնջ ջատագովները, մեր երկրի վաղվա տերերը անհանգստացած և մտահոգված դիմում են պատկան մարմիններին, այս հարցը քննարկելու և դրան լուծումներ տալու ակնկալիքով: Վերջապես ամենակարևորը մեր երկրի քաղաքացու, մեր մատաղ սերնդի ֆիզիկական և հոգևոր առողջությունն է, որի պահպանումն ու ապահովումը պետք է լինի մեր պետության ամենակարևոր նպատակը և քաղաքականությունը:

«Աժդահակ» էկոակումբի սաները ծանոթացել են Հայկական ատոմային էլեկտրակայանի աշխատանքին

Գեղարքունիքի միջնակարգ դպրոցի  «Աժդահակ» էկոակումբի ղեկավար Նելլի Դռնոյան

Գեղարքունիքի միջնակարգ դպրոցում արդեն երեք տարի SPARE ծրագրի շրջանակում դասավանդվում է «Էներգիայի և ռեսուրսների օգտագործում» առարկան: Առարկայի  նպատակն է երեխաների մոտ ձևավորել և զարգացնել բնապահպանական մտածողություն, որը հիմք կհանդիսանա հետագայում նրանց կողմից մաքուր, անվտանգ և բարեկեցիկ շրջակա միջավայր ստեղծելու և այն պահպանելու համար: Այս կարևոր գործընթացը էլ ավելի արժևորելու համար աշակերտների մտահղացմամբ, «Վորլդ Վիժն Հայաստան» կազմակերպության Գավառի տարածքային զարգացման ծրագրի աջակցությամբ կազմակերպվեց «Մաքուր պահենք մեր շրջակա միջավայրը» խորագրով  միջոցառում: Միջոցառումը ներառում է երեք փուլ. 1-ին փուլը  անցկացվեց դասասենյակում, աշակերտները ներկայացրին էներգետիկ աղբյուրները, էներգաօգտագործման դրական և բացասական կողմերը, էներգախնայողության հիմունքները, դրանց ազդեցությունը կլիմայի փոփոխության վրա և այս ամենի հետևանքները շրջակա միջավայրի վրա: Հատուկ ուշադրության արժանացան վերականգնվող էնեգիայի աղբյուրները /Արևի, քամու, կենսազանգվածի և այլ/, որոնց օգտագործմամբ էլ հենց կպայմանավորվի անվտանգ շրջակա միջավայր ունենալը: Նրանց ձևավորած գեղեցիկ պաստառները այնքան խոսուն էին, որ թեման հասանելի էր նաև դասալսում կատարող ոչ մասնագետներին: Աշակերտները պատրաստել էին արևային վառարաններ, սակայն վատ եղանակային պայմանների պատճառով չփորձարկվեցին:

2-րդ փուլում կազմակերպվեց բաց դաս-միջոցառում՝ Հայկական ատոմային էլեկտրակայանում, որը միակն է Հարավային Կովկասում: Այն (more…)

«Աժդահակ» էկոակումբի սաները մասնակցեցին «Մոլորակի ժամին»

Գեղարքունիքի միջնակարգ դպրոցի «Աժդահակ» էկոակումբի ղեկավար՝ Ն. Դռնոյան

metroԲնության համաշխարհային հիմնադրամի հայաստանյան մասնաճյուղի` WWF-Հայաստանի գործունեությունը միտված է զարգացնելու և հզորացնելու Հայաստանի բնության հատուկ պահպանվող տարածքները /ԲՀՊՏ/, վերականգնել էկոհամակարգերը, իրականացվում է կլիմայի փոփոխության ազդեցությունը մեղմացնող գործողություններ, Ներդրվում են տնտեսական մեխանիզմներ տեղական համայնքներում այլընտրանքային կենսամիջոցների ստեղծման նպատակով՝ խթանելով բնական պաշարների կայուն օգտագործումը և պահպանելով կենսաբազմազանությունը: Աջակցում է բնապահպանական իրազեկությանը և կրթությանը: WWF-Հայաստանի առաջնահերթ խնդիրներից է վտանգված տեսակների պահպանությունը, որոնց շարքում է կովկասյան ընձառյուծը: Մարդկանց իրազեկվածության մակարդակը մեր բնության զարդ հանդիսացող կովկասյան ընձառյուծի վերաբերյալ բարձրացնելու նպատակով WWF-Հայաստանը` «Կարեն Դեմիրճյանի անվան Երևանի Մետրոպոլիտեն» ՓԲԸ-ի աջակցությամբ մարտի 3-ից ներկայացնում է «Հայոց լեռների արքա կովկասյան ընձառյուծ» խորագրով ցուցահանդես մետրոպոլիտենի «Երիտասարդական» կայարանում: Ցուցահանդեսը կազմակերպվել է «Հայաստանում կովկասյան ընձառյուծի պահպանության» ծրագրի 15-ամյակին նվիրված միջոցառումների շրջանակներում: Մարտի 25-ին  Բնության համաշխարհային հիմնադրամի (more…)

«Աժդահակ» էկոակումբը` Հայաստանի ջրային ռեսուրսների խնդիրների մասին

Azhdahak jurԳեղարքունիքի միջնակարգ դպրոց, «Աժդահակ» էկոակումբի ղեկավար՝ Ն. Դռնոյան

Հայաստանում «Ազգային ջրային համագործակցություն» գիտական, էկոլոգիական հասարակական կազմակերպությունը ստեղծվել է, որպես Գլոբալ ջրային համագործակցության (ԳՋՀ) գործընկեր, որի առաքելությունն է՝ աջակցել տարածաշրջանում և երկրներում ջրային ռեսուրսների կայուն կառավարման գործընթացին: Կազմակերպությունն իրականացնում է ծրագրեր, որոնք ուղղված են ջրային ռեսուրսների արդյունավետ և համապարփակ կառավարմանը, կլիմայի փոփոխության հարմարվողականությանը և համայնքերի կայուն զարգացմանը: «Ազգային ջրային համագործակցություն» ՀԿ-ն, որպես ոլորտի առաջատար Ս.թ մարտի 22-ին, Երևանի Անի Պլազա հյուրանոցում կազմակերպեց կոնֆերանս՝«Ջրի համաշխարհային օր. Ինչու՞ վատնել կեղտաջուրը» խորագրով: «Ջրի համաշխարհային օր»-ի խորհուրդն է բնակչության ուշադրությունը հրավիրել ջրային ռեսուրսների հետ կապված տարբեր հիմնախնդիրների վրա: Միջոցառման հիմնական նպատակը ջուրը, որպես բնության կարևոր բաղադրիչ դիտարկելու և կեղտաջուրը, որպես արժեքավոր ջրային ռեսուրս համարելու գաղափարի սերմանումն էր: Սույն կոնֆերանսի նպատակներից էր անդրադառնալ կեղտաջրերի հետ կապված հիմնախնդիրներին, Հայաստանում առկա իրավիճակին, կեղտաջրերի մաքրմանը և դրանց պոտենցիալին: Բացման խոսքով հանդես եկավ «Ազգային ջրային համագործակցություն» գիտական, էկոլոգիական հասարակական կազմակերպության նախագահ Արևիկ Հովսեփյանը: Կոնֆերանսին ելույթներով հանդես եկան ՀՀ առողջապահության նախարարության, ՀՀ ԷԵԲՊՆ Ջրային տնտեսության պետական կոմիտեի, «ՋԻՆՋ» ինժեներախորհրդատվական ընկերության, «Շրջակա միջավայրի պահպանության իրավական կենտրոն» ՀԿ-ի և այլ շահագիրիռ կողմերի ներկայացուցիչներ: Միջոցառմանը մասնակցում էին նաև դպրոցներից, այդ թվում  Գեղարքունիքի միջնակարգ դպրոցում գործող «Աժդահակ» էկոակումբը: Նախապես էկոակումբի անդամներին սեմինարների միջոցով բացատրվեց ջրի կարևորության, առանձնահատկությունների, ջրում եղած էկոհամակարգերի, քաղցրահամ ջրի սոկավության և դրանից բխող խնդիրների մասին: Աշակերտներին «Ազգային ջրային համագործակցություն» գիտական, էկոլոգիական հասարակական կազմակերպության կողմից տրամադրված նյութերի, զարգացնող մուլտֆիլմի միջոցով ավելի պատկերավոր և հասկանալի եղավ, ջրի շրջապտույտը բնության մեջ, ջրամատակարարման և կոյուղու համակարգերի կառուցվածքը, ինչպես նաև շահագործմանը (more…)

Փոխանակման ծրագիր օրենսդրական ոլորտի, կառավարման և քաղաքականության մշակման երիտասարդ մասնագետների համար

americancouncilPFP կրթաթոշակը հնարավորություն է ընձեռում վեցշաբաթյա աշխատանքային մասնագիտական վերապատրաստում անցնել ԱՄՆ-ի հաստատություններում, ինչպես նաև մասնագիտական համագործակցությունը շարունակել վերադառնալուց հետո: Հոգում է ԱՄՆ ճանապարհորդելու և ապրելու ծախսերը, հնարավորություն է տալիս ապրել ամերիկացի հյուրընկալող ընտանիքում, աջակցում է ձեր և ձեր գործընկերոջ համատեղ նախագծերը նաև ծրագրի ավարտից հետո:

 

Դիմորդները պետք է աշխատեն հետևյալ ոլորտներում՝

  • ՀԿ-ներում, որոնք ներգրավված են հանրային քաղաքականություն մշակելու և օրենսդրություն ձևավորելու գործում
  • սոցիալական նորարարության ոլորտում և ձեռներեցությամբ զբաղվող

կազմակերպություններում

  • ակտիվ կորպորատիվ սոցիալական պատասխանատվություն դրսևորող բիզնեսներում
  • կառավարությունում, այդ թվում նաև տեղական և մարզային մարմիններում
  • քաղաքականության և օրենսդրության ոլորտում ներգրավված, քաղաքացիների մասնակցությունը խթանող, հակակոռուպցիոն ոչ կառավարական կազմակերպություններում

Դիմորդները պետք է՝

  • լինեն 25-ից 35 տարեկան
  • լինեն ՀՀ քաղաքացի և բնակիչ
  • ունենան առնվազն բակալավրի կոչում
  • տիրապետեն անգլերենին
  • ունենան առնվազն երկու տարվա աշխատանքային փորձ
  • ունենան ազդեցիկ դիրք իրենց համայնքում, կազմակերպությունում կամ ընկերությունում
  • հանձնառու լինեն շարունակել հանրային ծառայությունը (ՀԿ-ներում, սոցիալական ձեռներեցության ոլորտում, կառավարությունում)
  • ցուցաբերեն առաջնորդելու հմտություններ:

ՀԱՅՏԸ ՆԵՐԿԱՅԱՑՆԵԼՈՒ ՎԵՐՋՆԱԺԱՄԿԵՏԸ ԱՊՐԻԼԻ 7-Ն Է:

Օրենսդրական ոլորտի մասնագետների PFP ծրագիրը հովանավորում է ԱՄՆ-ի Պետքարտուղարության կրթական և մշակութային գործերի բաժինը:

Հայաստանում PFP ծրագիրն իրականացնում է Միջազգային կրթության Ամերիկյան խորհուրդները :

Ծրագրի մանրամասների համար դիմեք Ամերիկյան խորհուրդների գրասենյակ
56 00 45, 54 40 12    [email protected]    http://americancouncils.am

Ուսումնասիրվել են առողջապահական ձեռնարկություններում պետական գնումների կոռուպցիոն ռիսկերը

dex1Փետրվարի 14-ին, երեքշաբթի, ժամը 15:00-17:30, «Կոնգրես» հյուրանոցի «Պիկասո» սրահում տեղի կունենա «Կոռուպցիոն ռիսկերի գնահատում ՀՀ առողջապահական ձեռնարկություններում իրականացվող պետական գնումների տիրույթում» ուսումնասիրության արդյունքների ներկայացումը։

«Տարածքային զարգացման և հետազոտությունների կենտրոն» ՀԿ-ն  «Հանրային քաղաքականության ասոցիացիա հանուն բաց հասարակության» (PASOS) միջազգային կազմակերպությունների ցանցի Ֆինանսական  աջակցությամբ իրականացրել է վերոնշյալ ուսումնասիրությունը։ (more…)

Ամերիկյան խորհուրդներ կազմակերպությունը հայտարարում է Օրենսդրական ոլորտի մասնագետների (PFP) 2017 թ. գարնան ծրագրի մրցույթը

American Councils Armenia
amn
Ամերիկյան խորհուրդներ կազմակերպությունը հայտարարում է Օրենսդրական ոլորտի
մասնագետների (PFP) 2017 թ. գարնան ծրագրի մրցույթը, որը հովանավորում է ԱՄՆ-ի
Պետքարտուղարության կրթական ևմշակութային գործերի բաժինը: PFP ծրագրի
մասնակիցները հինգից վեց շաբաթյա վերապատրաստում են
անցնում Միացյալ Նահանգների պետական օրենսդրական մարմիններում,
քաղաքապետարաններում, քաղաքականության մշակման հարցերով զբաղվող ՀԿ-ներում,
ինչպես նաև ԱՄՆ-ի Կոնգրեսում:
Դիմորդները պետք է տիրապետեն անգլերեն լեզվին,
ունենան առնվազն երկու տարվա համապատասխան
աշխատանքային փորձ և դիմելու պահին լինեն 25-ից 35 տարեկան:
Ծրագրի օնլայն հայտը կարելի է ներկայացնել մինչև 2016թ.նոյեմբերի 15-ը:
Մանրամասներին կարող եք տեղեկանալ կայքից`
http://americancouncils.am/am/category/programs/professional-fellows-program-pfp/ կամ
Ամերիկյան խորհուրդների հայաստանյան գրասենյակից
[email protected]

Հարցերի դեպքում խնդրում եմ զանգահարել մեր գրասենյակ՝ 56-00-45 հեռախոսահամարով:

Այց կենդանաբանական թանգարան

«Աժդահակ» էկոակումբ

1

Գեղարքունիքի միջնակարգ դպրոցում գործող «Աժդահակ» էկոակումբի անդամները իրականացրին հերթական բնապահպանական այցը, այս անգամ Երևանի կենդանաբանական թանգարան: Թանգարան, որի կարևորագույն խնդիրը Հայաստանի կենդանական աշխարհի ճանաչման և ուսումնասիրության համար գիտապատմական արժեք ներկայացնող հազվագույտ տեսակների հավաքագրումն ու ցուցադրումն է: Աշակերտները մեծ հետաքրքրությամբ դիտեցին կենդանական աշխարհից բերված նյութերը, որոնց մի մասը պահված էր լուծույթներում, իսկ մյուսներից պատրաստված էին խրտվիլակներ: Էկոակումբի անդամներին ուղեկցող թանգարանի աշխատակցուհին մանրամասն բացատրեց ցուցասրահներում տեղադրված կենդանիների մասին: Երեխաները առանձնակի ուշադրություն դարձրին անհետացած և վտանգված կենդանատեսակների վրա: Չնայած այս ամենը շատ հետաքրքիր էր, բայց նրանք տխրեցին, որ կենդանիներին տեսան ոչ թե բնության գրկում, այլ անշարժ և  քարացած…

«Էյ Թի Փի»-ի Տնամերձ տնկարանների ծրագիրը կենսական կարեւորության եկամտի աղբյուր է ստեղծում գյուղական բնակավայրերում

Kamo Mirzoyan with new trees

Նյութը՝ Քրիստինե Հովսեփյանի

Աղավնավանք, Հայաստան — Հայաստանի սահմանամերձ ու հեռավոր բնակավայրերում ապրող հողագործի կյանքը հեշտ չի տրվում եւ լեցուն է բազմաթիվ առօրեկան խնդիրներով։ Հայրենի եզերքն այս կողմից շենացնող ու ընտանիքի բարեկեցությունը հոգացող գյուղացին ապավինում է պետության սահմանն օրուգիշեր հսկող զինվորին ու, միեւնույն ժամանակ, ամուր թիկունք ապահովում վերջինի համար:

Ղարաբաղա-ադրբեջանական սահմանի արեւելյան գոտու երկայնքով ընթացող ողբերգական բախումների նախօրեին «Էյ Թի Փի»-ն Երեւանից մոտ 130 կմ հեռավորության վրա գտնվող Աղավնավանք գյուղում էր՝ Տավուշի մարզում։ Այս սքանչելի գյուղը գտնվում է Գետիկ գետի հովտում, որտեղ «Էյ Թի Փի» բարեգործական հիմնադրամը («Հայաստան Ծառատունկ ծրագիր») փոքր ձեռնարկություններ խթանելու նպատակով 2004 թ.-ին մեկնարկել է Տնամերձ տնկարանների ծրագիրը։

Վերջին տարիներին «Էյ Թի Փի»-ի այս ծրագիրն իր ջանքերը կենտրոնացրել է մի քանի համայնքներում, այդ թվում՝ Աղավնավանքում, որտեղ մի շարք ընտանիքներ, իսկապես, հմտացել են ծառի խնամքի գործում: Ծրագրի միջոցով տեղացիները սովորում են իրենց տնամերձ հողակտորներում բուսակներ եւ տնկիներ բազմացնելու ճշգրիտ եղանակները, որից հետո «Էյ Թի Փի»-ն շահավետ պայմաններով (more…)

«Աժդահակ» էկոակումբի սաները «Վտանգված տեսակներ» միջոցառմամբ «բողոքեցին» կենսաբազմազանության դեմ ուղղված մարդու սխալ քայլերի դեմ

Գեղարքունիքի միջնակարգ դպրոց, «Աժդահակ» էկոակումբ ղեկավար՝ Ն Դռնոյանazhdahak1

Մարդը Երկիր մոլորակի վրա բնակվող 10 մլն. կենսաբանական տեսակներից մեկն է: Առաջին մարդիկ երկրի վրա հայտնվեցին 500 հազար տարի առաջ, երբ մեր մոլորակը 4.5 մլրդ. տարեկան էր: Մեր նախնիները այդ շրջանում դեռևս ներդաշնակ էին բնության հետ, և նրանց կենսագործունեությունը չէր խախտում բնության հավասարակշռությունը: Քաղաքակրթության զարգացմանը զուգընթաց մարդու և բնության միջև հակադրություն առաջացավ: ԵՎ այսօր բնությունը անզորեղ է վերականգնելու իր ուժերը, իսկ այդ ամենի հետևանքով առաջացած հիմնահարցերը կարող են ցանկացած պահին մարդկության վերացման պատճառ դառնալ Երկիր մոլորակի վրա… Ահա այսպիսին էր «Աժդահակ» էկո ակումբի մտահղացմամբ Գեղարքունիքի միջնակարգ դպրոցում ապրիլի 14-ին անցկացված «Վտանգված տեսակներ» խորագրով միջոցառման սկիզբը: Միջոցառում, որը «բողոք» էր կենսաբազմազանության կողմից՝ մարդու կենսագործունեության սխալ քայլերի դեմ:

Աշակերտներից յուրաքանչյուրը մարմնավորում էր «Կարմիր գրքում» հայտնված մի կենդանատեսակի: Համապատասխան հանդերձանքները պատրաստվել էին նրանց ձեռքերով՝ հիմնականում թափոնների միջոցով: Երեխաները մեծ սիրով և ոգևորությամբ էին ներկայացնում այդ կենդանիների մասին մանրամասներ, հանելուկներ, հետաքրքիր փաստեր և այդ բոլորը իրենց աշխատասիրության, ստեղծագործական  մտքի շնորհիվ՝ օգտվելով GIZ-ի և «Խազեր» էկոլոգամշակութային հկ-ի կողմից տրամադրված ձեռնարկներից և գրքույկներից, ինչպես նաև համացանցից: Հանդիսատեսին ներկայացվեց Բնության և բնական ռեսուսների պահպանության միջազգային միության /ԲՊՄՄ/-ի Կարմիր գրքի հասկացություններն ու տրվեցին համապատասխան բացատրություններ: Մտահոգիչ էր Բեզոարյան այծերի, Կովկասյան ընձառյուծի և Գառնանգղի /մորուքավոր անգղ/ մասին տվյալները: Հայկական մուֆլոնը և բեզոարյան այծը՝ ընձառյուծի հիմնական կերատեսակը, Հայաստանի լեռնային գոտիներում ժամանակին լայն տարածում ունեին, սակայն այժմ նույնիսկ արգելոցներում խիստ սահմանափակ քանակությամբ են և գտնվում են անհետացման եզրին, իսկ դրանց վերացումը (more…)