Հոկտեմբերի 6-ին վանաձորցիները մեծ շուքով նշեցին իրենց քաղաքի օրը (լուսանկարներ)

Արդեն 12 տարի հոկտեմբերի առաջին շաբաթ օրը ամբողջ շուքով նշվում է Վանաձոր քաղաքիտոնը, որը սիրելի է դարձել բոլոր վանաձորցիների համար: Այս տարի Վանաձորի տոնը նշվեց հոկտեմբերի 6-ին: Վաղ առավոտվանից քաղաքում տիրում էր բարձր տրամադրություն:  Քաղաքի երաժշտական և մշակութային օջախներում կազմակերպվում էին տարաբնույթ միջոցառումներ, համերգներ: Այգիներում ուրախ երգ ու պար էր, փոքրիկները զբաղվում էին նկարչությամբ: Բայց գլխավոր միջոցառումների շարքը սկսվեց Հայքի հրապարակում: ԱյդօրնառավոտյանՀայքիհրապարակըամբողջությամբ զարդարված էր գույնզգույն փուչիկներով ու ծաղիկներով, հնչում էր ուրախ երաժշտություն: Անցկացվեց տոնական շքերթ, որի ժամանակ  հրապարակ մտան քաղաքի հանրակրթական դպրոցների, ուսումնական հաստատությունների սաները, առողջապահական հիմնարկների, արտադրական և տարբեր հիմնարկ-ձեռնարկությունների կոլեկտիվները:

Հանդիսության պաշտոնական մասն ավարտվելուց հետո սկսվեց տոնական համերգը, որին մասնակցում էին տարբեր պարային համույթներ և անհատկատարողներ, իսկ գունեղ հրավառությունն ամփոփեց տոնը՝այն դարձնելով լիարժեք ո ւ կատարյալ:
Հաճելի էր տեսնել քաղաքն այդքան մարդաշատ: Սա այն եզակի տոներից է, երբ վանաձորցիները կտրվում են իրենց ամենօրյա հոգսերից:
Շնորհավո՛ր տոնդ, սիրելի՛Վանաձոր:

Հեղինակ` Արևիկ Չարչյան
Լուսանկարների հեղինակ` Վահան Աբրահամյան

 

 

                                                   

Leave a Comment