Մաշտոցի այգին օգնության կարիք ունի…

Այսօր Մաշտոցի պուրակ այցելեցին հայտնի մարդիկ, քաղաքական հասարակական գործիչներ, հասարակ քաղաքացիներ, երեխաներ:

Արդեն քանի օր է Մաշտոցի այգի մարդկանց հոսքը չի դադարում, երեկ եկել էր Արթուր Իսպիրյանը, իսկ այսօր արդեն հայտիները շատանում են… Սա նախ և առաջ իրենց Երևանն է, մեր բոլորի Երևանն է…

Հովհաննես (Հովո ) Ազոյան. “Եթե չես տնկում ծառ, գոնե մի ոչնչացրու, դա  վերադառնալու է այն մարդկանց, ովքեր անում են այս ոճրագործությունը ծառերի նկատմամբ…”

Հայկ (Հայկո)  Մարության. “Ես շատ պարզ մի բան եմ ասում, դուք որտե՞ղ եք տանում ձեր երեխաներին զբոսնելու, ասում են հենց այս այգին, որովհետև իրոք միակն է մնացել… Կարելի  է յուրաքանչյուր տարածք չբարեկարգել, հետո ինչ ուզել այնտեղ կառուցել, Փաստացի բարեկարգված չի, եկեք բարեկարգենք:”

Անահիտ Բախշյան.  “Չարժի այդ մարդկանց համար մեր երիտասարդ քաղաքապետը, ում հետ շատ մեծ հույսեր ենք կապում, իր հեղինակությունը սասանվի, սա ապօրինի շինարարություն է:”

Նվեր Մնացականյան. “Կոչ կանեի բնության հետ համերաշխ ապրել, պահպանել որոշ նորմեր, կան բաներ, որ արդեն չի կարելի…”

Արթուր Կիրակոսյան. “Բնության հետ համերաշխ և ներդաշնակ:”

Աշոտ Ադամյան. “Ցանկացած անօրեն  շարժի դեմ բողոքողի կողքին ես պատրաստ եմ կանգնել, որովհետև դա սեփական արժանապատվության և իրավունքի արտահայտչամիջոց է:”

Երվանդ Մանարյան. “Պատմության բոլոր ընթացքներում այդպես է եղել` մեկը սարքել է, մյուսը` քանդել, հիմա ով որ ուժեղ է նա էլ տերը կլինի… Իմացեք, որ դուք եք ուժեղը:”

Բժիշկ.” Ոնց կարելի է վերցնել ապականել, առանց հաշվի առնելու, որ կողքը կա ծննդատուն, հիվանդանոց, դա աննորմալ բան է: Աշխարհի ցանկացած երկրում և Հայաստանում էլ միշտ այդպես է եղել, հիվանդանոցների շուրջը կանաչ տարածք է եղել:”

Սոնա. “Փիս մարդիկ սարքում են խանութ, նրանք փչացնում են ծառերն ու օդը…”

 

Leave a Comment